13. fundur

Bergdís Bjarnadóttir arkitekt hjá Nordic arkitektum og Elín Ríta Sveinbjörnsdóttir skipulagsfræðingur hjá Eflu gerðu grein fyrir mótun tillögu að endurskoðuðu deiliskipulagi Móa og greiningu á umferðaröryggi.

Vísað til áframhaldandi úrvinnslu hjá skipulagsráðgjöfum og umhverfissviði.

Elín Ríta Sveinbjörnsdóttir skipulagsfræðingur hjá Eflu gerði grein fyrir umferðargreiningu á valkostum að staðsetningu afhendingarstöðvar og grenndargámastöðvar nærri bílastæði Sjálandsskóla.

Vísað til áframhaldandi úrvinnslu hjá skipulagsráðgjafa og umhverfissviði.

Einar Ingimarsson arkitekt gerði grein fyrir drögum að tillögu endurskoðaðs deiliskipulags Bæjargils. Tillaga nær ekki til atvinnulóða við Gilsbúð sem verður hluti af deiliskipulagi athafnasvæðis í Búðum. (Iðnbúð,Smiðsbúð,Gilsbúð)

Vísað til áframhaldandi úrvinnslu hjá skipulagsráðgjafa og umhverfissviði.

Einar Ingimarsson arkitekt gerði grein fyrir drögum að tillögu endurskoðaðs deiliskipulags Bæjargils 2.áfanga (Hæðahverfi).

Vísað til áframhaldandi úrvinnslu hjá skipulagsráðgjafa og umhverfissviði.

Stefán Veturliðason og Steindór Gunnlaugsson greindu frá áformum Oddfellowreglunnar um byggingu Regluheimilis við Vinastræti á háholti Urriðaholts.

Kristján Örn Kjartansson arkitekt hjá Krads arkitektum og Guðni Valberg arkitekt hjá Tripoli arkitektum gerðu grein fyrir vinningstillögu sinni í samkeppni um regluheimili við Vinastræti.

Björn Guðbrandsson arkitekt hjá Arkís gerði grein fyrir tillögu að breytingu deiliskipulags Urriðaholts norðurhluta 3 sem nær til lóðanna Vinastræti 20-26 og 28.

Í breytingartillögunni felst að lóðum Vinastrætis 20-26 og Vinastrætis 28 er skipt upp í þrjár lóðir; Vinastræti 20-24 (lóð fyrir atvinnustarfsemi), Vinastræti 26 (bílastæðalóð) og Vinastræti 28 (lóð fyrir menningarstarfsemi).

Lóð Vinastrætis 28 minnkar. Heildar heimilað byggingamagn er óbreytt en byggingarmagn ofanjarðar eykst lítillega og byggingarreitur og skilmálar breytast til samræmis við verðlaunatillögu í samkeppni um nýtt heimili Oddfellowreglunnar.

Lóð Vinastrætis 20-26 minnkar og fær nýtt lóðanúmer Vinastræti 20-24. Hluti byggingarreita á lóð eru felldir niður og byggingarreitur við lóðamörk til suðausturs breytist lítillega.

Afmörkuð er ný bílastæðalóð Vinastræti 26. Bílastæði á bílastæðalóð eru samnýtt af lóðum Vinastrætis 20-24 og Vinastræti 28. Bílastæðakrafa á lóðum breytist og verður 1 stæði fyrir hverja 50m² í atvinnuhúsnæði innan lóðar. Með samnýtingu bílastæða á bílastæðalóð næst áfram krafa um 1 stæði fyrir hverja 35 m² af atvinnuhúsnæði. Mismunandi starfsemi er á lóðunum, þar sem Vinastræti 22-26 nýtir bílastæðin aðallega á daginn en bílastæðaþörf Vinastrætis 30 er mest eftir að vinnutíma lýkur, sem gerir samnýtingu ákjósanlegan kost.

Skipulagsnefnd vísar breytingartillögunni til auglýsingar í samræmi við 1.mgr.43.gr. og 41.gr.skipulagslaga nr.123/2010.

Lögð fram tillaga að breytingu á deiliskipulagi Urriðaholts vesturhluta sem nær til lóðar Urriðaholtsskóla (Vinastræti 1-3).

Í deiliskipulagsbreytingunni felst að form byggingarreits breytist.

Afmörkuð er lóð ásamt byggingarreit fyrir spennistöð. Skilmálar fyrir spennistöðvar 4.7.44 í skilmálahefti gilda fyrir lóð spennistöðvar.

Að öðru leyti gilda gildandi deiliskipulagsskilmálar.

Skipulagsnefnd vísar breytingartillögunni til auglýsingar í samræmi við 1.mgr.43.gr. og 41.gr.skipulagslaga nr.123/2010.

Baldur Ó.Svavarsson vék af fundi undir þessum lið.

Lögð fram tillaga að breytingu deiliskipulags Hnoðraholts norður sem gerir ráð fyrir því að byggingarreitur verði skilgreindur fyrir opið bílskýli og reiðhjólaskýli við lóðarmörk að Vorbraut 3. Bílageymsla fyrir tvo bíla verði á jarðhæð og að íbúð fjölgi um eina úr 6 í 7.

Vísað til skoðunar hjá umhverfissviði. Athuga skal heildaráhrif og fordæmisgildi breytingartillögunnar.

Lögð fram tillaga að útfærslu á fjölbýlishúsum að Vorbraut 3 og 7 þar sem gert er ráð fyrir bílakjallara og fjölgun íbúða um 4 til 5 í hvoru húsi.

Vísað til skoðunar hjá umhverfissviði. Athuga skal heildaráhrif og fordæmisgildi breytingartillögunnar.

Lögð fram tillaga lóðarhafa að breytingu á deiliskipulagi Arnarness sem nær til lóðarinnar Mávanes 22. Gert er ráð fyrir stækkun byggingarreits til suðurs.

Tillögu vísað til umsagnar deiliskipulagsráðgjafa, Hornsteina.

Lögð fram tillaga að útfærslu lóðar og tillaga að breytingu deiliskipulags Urriðaholts vesturhluta sem gerir ráð fyrir stækkun lóðar að grænu svæði.

Lögð fram umsögn deiliskipulagshöfundar.

Með vísan í umsögn leggur skipulagsnefnd til að sú breyting verði gerð á tillögunni að ákvæði verði um gróður á lóð á milli stoðveggja og ákvæði verði um að bílastæði séu brotin upp með gróðri.

Skipulagsnefnd metur tillöguna með ofangreindum breytingum sem óverulega breytingu á deiliskipulagi Urriðaholts vesturhluta í samræmi við 2.mgr.43.gr.skipulagslaga nr.123/2010 og vísar henni til grenndarkynningar í samræmi við 44.gr.sömu laga. Grenndarkynna skal eigendum og íbúum að Keldugötu

2,3, 4 og 7 sem og Víkurgötu 10 og 12.

Skipulagsnefnd Garðabæjar gerir ekki athugasemd við tillöguna.

Lögð fram tillaga umhverfissviðs Kópavogsbæjar að breytingu á deiliskipulagi Kjóavalla fyrir lóðina nr. 31 við Landsenda sem er innan lögsögu Kópavogsbæjar en deiliskipulagið nær til beggja sveitarfélaga.

Í breytingunni felst að komið verði fyrir nýjum byggingarreit um 38m að þvermáli fyrir nýjan 4.000 m³ miðlunargeymi norðan megin við núverandi vatnstank. Fyrirhugaður miðlunargeymir mun vera að sömu stærð og hæð og núverandi vatnstankur. Lóð stækkar til norðvesturs um 2.125 m², fer úr 2.134 m² í 4.258 m², og verður girt af með 2m hárri mannheldri girðingu á lóðarmörkum. Núverandi aðkoma helst óbreytt frá Landsenda en fyrirkomulag bílastæða breytist. Fallið er frá lóð fyrir fjarskiptamastur en gert verður ráð fyrir lóð fyrir fjarskiptamastur í deiliskipulagi Vatnsendahlíðar.

Skipulagsnefnd Garðabæjar vísar breytingartillögunni til auglýsingar í samræmi við 1.mgr.43.gr. og 41.gr.skipulagslaga nr.123/2010. Skipulagsráð Kópavogsbæjar vísaði tillögunni til auglýsingar á fund sínum þann 6.november.

Frestað til næsta fundar.

Frestað til næsta fundar.

Frestað til næsta fundar.

Frestað til næsta fundar.

Frestað til næsta fundar.