1. fundur

Lögð fram tillaga að breytingu Aðalskipulags Garðabæjar 2016-2030 sem nær til landnotkunarreitsins Arnarneshálss (Arnarlands) að lokinni auglýsingu ásamt þeim athugasemdum og umsögnum sem borist hafa.

Vísað til úrvinnslu hjá Umhverfissviði og skipulagsráðgjöfum.

Lögð fram tillaga að deiliskipulagi Arnarlands að lokinni auglýsingu ásamt þeim athugasemdum og umsögnum sem borist hafa.

Vísað til úrvinnslu hjá Umhverfissviði og skipulagsráðgjöfum.

Lögð fram tillaga að breytingu deiliskipulags Akralands að lokinni auglýsingu ásamt þeim athugasemdum og umsögnum sem borist hafa.

Vísað til úrvinnslu hjá Umhverfissviði og skipulagsráðgjöfum.

Lögð fram verkefnislýsing fyrir mótun skipulags á háholti Hnoðraholts að lokinni kynningu ásamt þeim umsögnum sem borist hafa. Vísað til úrvinnslu hjá Umhverfissviði og deiliskipulagsráðgjafa.

Lögð fram tillaga að breytingu Aðalskipulags Garðabæjar 2016-2030 að lokinni kynningu ásamt umsögnum og athugasemdum sem borist hafa.Tillagan nær til rammahluta aðalskipulags í Vífilsstaðalandi. Niðurstaða skoðunar hjá Umhverfissviði er sú að umsagnir og athugasemdir gefa ekki tilefni til breytinga á auglýstri tillögu.

Skipulagsnefnd samþykkir tillöguna óbreytta sem breytingu Aðalskipulags Garðarbæjar 2016-2030 í samræmi við 32. gr. skipulagslaga nr. 123/2010.

Lögð fram tillaga að breytingu deiliskipulags Hnoðraholts sem gerir ráð fyrir fjölgun íbúðareininga í raðhúsum og fjölbýlishúsum að lokinni auglýsingu ásamt þeirri athugasemd og umsögnum sem borist hafa.

Skipulagsnefnd áréttar að útmörk bygggingarreits raðhúslengjunnar Stekkholt 55-61 (fyrir breytingu Stekkholt 45-49) til norðurs sé þau sömu fyrir og eftir breytingu þannig að skuggavarp af byggingunni breytist ekki þó svo að íbúðareiningum sé fjölgað um eina.

Í athugasemd frá Eflu er bent á að æskilegt sé að breyta hæðarkótum á fjölbýlishúsum við sunnanverða Vorbraut til aðlögunar vegna útfærslu á bílakjöllurum. Skipulagsnefnd gerir ekki athugasemd við að skipulagsstjóri samþykki breytingar á hæðarkótum á meðan að hámarkshæð húsanna (mys) samkvæmt skipulagi sé óbreytt.

Skipulagsnefnd samþykkir tillöguna óbreytta sem breytingu deiliskipulags Hnoðraholts norður skv. 41. gr. skipulagslaga nr. 123/2010.

Lögð fram fyrirspurn eigenda Spildu A í landi Grundar við norðaustanverða Breiðabólsstaðatjörn hvort heimilað verði að reka veislusal í byggingunni sem í dag er nýtt undir garðyrkjufyrirtæki. Húsið var áður fjárhús en hefur verið breytt.

Vísað til úrvinnslu tillagna að deiliskipulagi Norðurness og tillögu að breytingu aðalskipulags sem verður unnin samhliða deiliskipulagstillögu.

Skipulagsstjóri gerir grein fyrir drögum að deiliskipulagi Norðurness á Álftanesi sem liggja fyrir. Skipulagsnefnd vísar drögunum til frekari útfærslu.

Lögð fram fyrirspurn um breytingu á parhúsalóðinni Kumlamýri 25-27 ásamt umsögn deiliskipulagshöfundar. Í breytingunni felst að byggingarreitum parhússins er "speglað".

Skipulagsnefnd metur tillöguna sem óverulega breytingu deiliskipulags Kumlamýrar í samræmi við 2. mgr. 43. gr. skipulagslaga nr.123/2010 og vísar henni til grenndarkynningar. Grenndarkynna skal eigendum parhúslóðanna Kumlamýri 17-19, 21-23 og 29-31.

Lögð fram tillaga að breytingu deiliskipulags Breiðumýrar sem gerir ráð fyrir aukningu á hámarksbyggingarmagni ásamt þeim umsögnum sem borist hafa. Engar athugasemdir bárust og umsagnir gefa ekki tilefni til breytinga á tillögunni.

Skipulagsnefnd samþykkir tillöguna sem breytingu á deiliskipulagi Breiðumýrar.

Lögð fram ný tillaga að breytingu deiliskipulags Garðahrauns sem gerir ráð fyrir því að lóðin Garðprýði 1 (Hraungarðar) skiptist í tvær lóðir. Gert er ráð fyrir nýjum byggingarreit nær nústandandi byggingu en fyrri tillaga gerði, auk þess sem hann stendur neðar í landi. Byggingarreitur sem nú er á stórum hluta lóðarinnar minnkar og takmarkast við núverandi hús og staðsetningu nýrrar byggingar samkvæmt tillögunni. Aðkoma að nýrri byggingu er innan lóðar Garðprýði 1. Skipulagsnefnd vísar tillögunni til auglýsingar í samræmi við 1. mgr. 43. gr. og 41. gr. skipulagslaga nr. 123/2010. Senda skal dreifibréf í aðliggjandi hús þar sem athygli skal vakin á auglýsingunni.

Lögð fram tillaga að breytingu deiliskipulags Ása og Grunda að lokinni auglýsingu ásamt þeirri athugasemd og umsögnum sem borist hafa. Tillagan gerir ráð fyrir staðsetningu farsímamasturs við göngubrú yfir Hafnarfjarðarveg. Engar athugasemdir bárust.

Skipulagsnefnd samþykkir tillöguna óbreytta sem breytingu deiliskipulags Ása og Grunda í samræmi við 41.gr.skipulagslaga nr.123/2010.

Lögð fram verkefnislýsing sem hefur verið í kynningu ásamt þeim ábendingum og umsögnum sem borist hafa. Vísað til úrvinnslu hjá Umhverfissviði og deiliskipulagsráðgjafa.

Erindi lóðarhafa lagt fram. Vísað til úrvinnslu hjá Umhverfissviði.

Lögð fram tillaga að breytingu deiliskipulags Kauptúns sem gerir ráð fyrir stækkun lóðarinnar Kauptúns 6, ásamt umsögnum sem borist hafa. Vísað til úrvinnslu hjá Umhverfissviði.

Lögð fram tillaga að breytingu deiliskipulags Molduhrauns sem gerir ráð fyrir stækkun byggingarreits lóðarinnar Suðurhrauns 2a.

Skipulagsnefnd metur tillöguna sem óverulega breytingu deiliskipulags Molduhrauns og vísar henni til grenndarkynningar.

Grenndarkynna skal eigendum Miðhrauns 16, 18 og 20 og Suðurhrauns 1, 4 og 6.

Hrönn Hafliðadóttir gerði grein fyrir drögum að húsnæðisáætlun.

Lagt fram.