2. fundur

Lagt fram erindi Skipulagsstofnunar dags. 5. febrúar 2021. Vísað til úrvinnslu hjá tækni- og umhverfissviði.

Lögð fram bókun bæjarstjórnar þar sem fram kemur tillaga um göngu- og hjólaleiðir í upplandi Garðabæjar og Vífilsstaðahrauni. Skipulagsnefnd tekur undir bókunina og vísar henni til mótunar tillagna að breytingu aðalskipulags og deiliskipulags á svæðinu.

Lögð fram tillaga að breytingu Aðalskipulags Garðabæjar 2016-2030 sem gerir ráð fyrir því að afmörkun opins svæðis (1.09 Grænigarður) breytist. Um leið eru lagðar til leiðréttingar á landnotkunartáknum uppdráttar í Garðaholti sem voru ekki réttir á staðfestum aðalskipulagsuppdrætti.

Ábendingar og umsagnir sem bárust vegna verkefnislýsingar lagðar fram.

Meirihluti skipulagsnefndar, 4 af 5, vísar tillögunni til forkynningar í samræmi við 2. mgr. 30. gr. skipulagslaga nr. 123/2010. Baldur Ó. Svavarson greiðir atkvæði gegn tillögunni,sjá bókun við 4.fundarlið.

Tillagan skal forkynnt samhliða tillögu að deiliskipulagsbreytingu.

Lögð fram tillaga að breytingu deiliskipulags Garðahverfis. Tillagan gerir ráð fyrir breytingum á lóðarmörkum og byggingarreitum í Katrínarkoti, Háteigi, Hausastöðum og Pálshúsum. Tillagan gerir einnig ráð fyrir breyttri afmörkun almenningsgarðsins Grænagarðs og að skilgreind verði íbúðarhúslóð umhverfis núverandi íbúðarhús í Grænagarði.

Meirhluti skipulagsnefndar (4 af 5) vísar tillögunni til forkynningar í samræmi við 3. mgr. 40. gr. skipulagslaga nr. 123/2010.

Tillaga að breytingu aðalskipulags verði kynnt samhliða.

Fulltrúi minnihlutans Baldur Ó. Svavarsson leggur fram eftirfarandi bókun:

"Undirritaður fulltrúi minnihlutans hefur marg varað við vanreifuðu einkavæddu deiliskipulagi Garðahverfis. Enn eru kynntar breytingar á þessum áformum sem nú nálgast fullnustu og úthlutun.

Hættan á skipulagslausri uppbygginu þessa svæðis er sannlega staðreynd skv. þessum gögnum. Þarna er að verða til enn eitt bútasaumað skipulagið svo vitnað sé í þekkt orðfæri.

Enn skal minnt á að hér er fórnað einhverju glæsilegasta byggingasvæði á öllu höfuðborgarsvæðinu, í gæluverkefni, greitt af einkaaðila í bænum. Hér er aðeins horft til fortíðar , en framtíðin er látin lönd og leið.

Hugsum til framtíðar, nýtum landkosti og verðmæti á ábyrgan, sjálbæran og framsýnan hátt. Framköllum á Garðaholti heildstætt skipulag með framsýnni, þéttri lágreistri og sjálfbærri byggð í anda þess sem þáverandi meirihluti sjálfstæðismanna í bænum lagði til fyrir 20 árum síðan. Sögulegar minjar og vel skipulagða markvissa byggð má flétta saman í fallegan og forvitnilegan vef."

Lögð fram tillaga að breytingu Aðalskipulags Garðabæjar 2016-2030 að lokinni auglýsingu í samræmi við 31. gr. skipulagslaga nr. 123/2010. Frestur til að skila inn athugasemdum rann út þann 22. janúar 2021.

Athugasemdir sem bárust innan tilkskilins frests lagðar fram.

Vísað til úrvinnslu hjá tækni- og umhverfissviði.

Lögð fram tillaga að deiliskipulagi Urriðaholts Norðurhluta 4 að lokinni auglýsingu skv. 41. gr. skipulagslaga nr. 123/2010.

Frestur til að skila inn athugasemdum rann út þann 22. janúar 2021.

Athugasemdir sem bárust innan tilskilins frests lagðar fram.

Vísað til úrvinnslu hjá tækni- og umhverfissviði.

Lögð fram tillaga að óverulegri breytingu deiliskipulags Sjálands að lokinni grenndarkynningu sem gerir ráð fyrir því að sparkvöllur við Vesturbrú breytist í leiksvæði og sparkvöll. Lögð fram tillaga að nýrri útfærslu leiksvæðis og sparkvallar sem hefur verið kynnt stjórn húsfélagsins við Löngulínu 15-23.

Skipulagsnefnd vísar tillögu að breytingu deiliskipulags til grenndarkynningar að nýju og skal útfærsla leiksvæðis og sparkvallar einnig kynnt.

Skipulagsstjóri gerði grein fyrir kostagreiningu skipulagshöfundar á tillögum að breytingu deiliskipulags. Vísað til frekari skoðunar.

Lögð fram tillaga að breytingu deiliskipulags Ása og Grunda sem gerir ráð fyrir því að hús nr. 2, 4 og 6 við Eskiás verði lækkuð um eina hæð og að heimilað verði að flytja heimildir um fjölda íbúða frá þeim húsum yfir í önnur hús við Eskiás. Hámarkshæðir annarra húsa verði óbreyttar samkvæmt tillögunni. Byggingarreitir lóða nr. 8 og 10 breytast þannig að það myndast lokaðir inngarðar.

Skipulagsnefnd vísar tillögunni til auglýsingar í samræmi 1. mgr. 43. gr og 1. mgr. 41. gr. skipulagslaga nr. 123/2010.

Lögð fram tillaga að óverulegri breytingu deiliskipulags Ása og Grunda að lokinni grenndarkynningu. Athugsemdir sem borist hafa lagðar fram.

Skipluagsnefnd beinir því til skipluagsstjóra að funda með þeim sem sent hafa inn athugasemdir.

Lögð fram tillaga að deiliskipulagsbreytingu sem byggir á tillögu að breytingu á einbýlishúsinu að Smáraflöt 4. Vísað til frekari skoðunar hjá tækni- og umhverfissviði.

Lögð fram tillaga að breytingu deiliskipulags að lokinni auglýsingu. Athugsemdir sem borist hafa lagðar fram. Lögð fram greinargerð deiliskipulagshöfundar þar sem tillögur að svörum við athugasemdum eru settar fram.

Skipulagsnefnd samþykkir deiliskipulagsbreytinguna með breytingu á innkeyrslu lóðarinnar í samræmi við niðurstöðu greinargerðar sbr. 41. gr. skipulagslaga nr. 123/2010. Svör sem fram koma í greinargerð samþykkt.

Skipulagsnefnd tekur undir framkomna tillögu og vísar henni til skoðunar hjá tækni- og umhverfissviði. Þar skal sérstaklega metið hvort breytingar með þessum hætti kalli á skipulagsferli.

Baldur Ó. Svavarsson leggur fram eftirfarandi bókun:

"Nú undir lok kjörtímabils skal loks eitthvað gert í málefnum Garðatorgs 1 og Hönnunarsafnsins.

Minnt skal á að í upphafi kjörtímabils, fyrir bráðum 3 árum síðan lagði Garðabæjarlistinn fram tillögur um nákvæmlega sama efni í bæjarstjórn. - Fyrst þann 20. september 2018 um að Garðabær kæmi á fót sköpunarmiðstöð eða menningarhúsi. Einnig lagt þar til að íþrótta- og tómstundaráð, menningar- og safnanefnd og ungmennaráð myndu saman móta hugmyndir að menningarhúsi. - Síðar eða þann 18. október 2018 lagði Garðabæjarlistinn jafnframt fram tillögu um að Garðabær hefji viðræður við eigendur fasteignar að Garðatorgi 1 með það að leiðarljósi að skapa aukið rými fyrir Hönnunarsafn Íslands og um leið fyrir aðra starfsemi. Það hefur sem sé tekið meirhlutann heil 3 ár að stauta sig í gegnum tillögu minnihlutans og smíða úr þeim nákvæmlega sömu tillögur. Ef þetta er birtingarmynd margrómaðrar lýðræðistefnu bæjarins þá er hér hér framkominn nýr vinkill á þá skilgreiningu.

Um leið og ég fagna því að meirihlutinn sé vaknaður af menningardvalanum þá harma ég vinnubrögðin sem meirihlutinn viðhefur hér með dæmigerðu ólýðræðislegu „eignanámi“ tillagna minnihlutans. Að vísa tillögum minnihlutans í nefndir og svæfa þar, til þess eins að setja þær í annan búning í sínu nafni þykir mér bera vitni um grátbrosleg vinnubrögð.

Hér má að lokum af þessu tilefni vitna í Ladda (Þórhalls Sigurðssonar) í gervi Eiríks Fjalar sem sagði um eigin „lagasmíðar“ - „Þetta er frumsamið eftir sjálfan mig“. "

Íbúakönnun lögð fram.

Tillögur að breytingum Aðalskipulags Kópavogs og deiliskipulags Hamraborgar lagðar fram. Vísað til sérstaks fundar skipulagsnefndar þar sem tillögur um framkvæmd Borgarlínu verða kynntar og ræddar.

Tillaga að þróunaráætlun höfuðborgarsvæðisins 2020-2024 lögð fram. Vísað til sérstaks fundar skipulagsnefndar þar sem þróunaráætlun og tillögur um framkvæmd Borgarlínu verða kynntar og ræddar.

Umsögn Sambands íslenskra sveitarfélaga lögð fram. Skipulagsnefnd tekur undir þau atriði sem þar koma fram.