17. fundur

Lögð fram tillaga að breytingu Aðalskipulags Garðabæjar 2016-2030 sem nær til Norðurness á Álftanesi.

Vísað til úrvinnslu hjá umhverfissviði og skipulagsráðgjöfum.

Lögð fram tillaga að deiliskipulagi Norðurness á Álftanesi.

Vísað til úrvinnslu hjá umhverfissviði og skipulagsráðgjöfum.

Lögð fram tillaga að breytingu Aðalskipulags Garðabæjar 2016-2030 sem nær til Garðaholts og er í samræmi við tillögu að breytingu deiliskipulags Garðahverfis.

Lögð fram tillaga skipulagsstjóra að breytingu á tillögunni sem gerir ráð fyrir landnotkun fyrir samfélagsþjónustu á lóð Grænagarðs í samræmi við hugmynd um skólastarfsemi á lóðinni.

Skipulagsnefnd samþykkir með þremur atkvæðum að vísa tillögunni með ofangreindri breytingartillögu til auglýsingar í samræmi við 1. mgr. 36. gr. og 31. gr. skipulagslaga nr. 123/2010. Kynna skal tillögu samhliða tillögu að breytingu deiliskipulags Garðahverfis.

Baldur Ó. Svavarsson greiðir atkvæði gegn tillögunni. Guðlaugur Kristmundsson situr hjá.

Lögð fram tillaga að breytingu deiliskipulags Garðahverfis. Tillagan hefur verið í mótun undanfarna mánuði í samráði við ábúendur í Garðahverfi.

Tillagan gerir ráð fyrir eftirfarandi breytingum á deiliskipulagsuppdrætti:

Almennar breytingar:

-Afmarkaðar eru lóðir utan um núverandi byggingar á svæðinu.

-Nýjum lóðum fjölgar alls um 6 á eftirfarandi býlum: Katrínarkoti, Hlíð, Miðengi, Görðum, Nýjabæ og Eystri-Dysjum.

-Nýjar lóðir verða um 900 m², staðsetningu og lögun lóða og byggingarreita er breytt í kjölfar samráðs eða vegna fornminja.

-Heimreiðum að nýjum lóðum er breytt.

Stígar og aðgengi:

-Bætt öryggi og aðgengi gangandi á gatnamótum Garðavegar og Garðaholtsvegar. Hraðalækkandi aðgerðir og gönguþveranir eru tilgreindar á uppdrætti á þessu svæði.

-Afmörkuð er á uppdrætti gönguþverun fyrir hraðalækkandi aðgerðir þar sem göngustígur þverar Garðaveg hjá Garðakirkju.

-Bætt er við stofnstíg samhliða Garðavegi og Garðaholtsvegi í samræmi við aðalskipulag.

-Gönguleið meðfram Garðavegi breytt í tengistíg í samræmi við flokkun í aðalskipulagi.

-Flokkun stígsins meðfram ströndinni í Garðahverfi er breytt til samræmis við flokkun hans í aðalskipulagi sem útivistarstíg. Afmörkuð er á uppdrætti gönguþverun fyrir hraðalækkandi aðgerðir við upphaf sama stígs við Aukatjörn.

Grænigarður, Garðar, Garðaholt og Krókur:

-Afmörkun deiliskipulagssvæðisins er breytt þannig að hún nær einnig yfir gömlu bæjartorfuna Höll.

-Afmörkuð er lóð við húsið Grænagarð.

-Aðkoma að Grænagarði frá kjarna Garðaholts er skilgreind á uppdrætti og bætt við leiðbeinandi legu stíga innan garðsins. Þá er skilgreindur byggingarreitur innan Grænagarðs með skilmálum fyrir lítil mannvirki sem tengjast starfsemi og rekstri almenningsgarðs s.s. fyrir áhaldageymslu, garðhýsi eða annað.

-Gert er ráð fyrir minjasvæði milli Garðakirkju og íbúðarhúss í Görðum.

Tillagan gerir ráð fyrir eftirfarandi breytingum á deiliskipulagsgreinargerð:

-Sett eru ákvæði um smáhýsi á lóðum.

-Hámarksgrunnflötur nýrra íbúðarhúsa verður 100 m2 í stað 80 m2.

-Bætt er við ákvæðum um þakgerð, gerð kvista, matjurtargarð, girðingar ofl.

-Bætt er við ákvæði um að skipulagsnefnd sé heimilt að víkja frá einstökum ákvæðum skilmála ef færð eru góð rök fyrir því að útfærslan virði einkenni byggðarinnar og markmið deiliskipulagsins.

-Kvöðum um fornleifar er breytt.

-Kvöðum um einstök býli breytt til samræmis við breytingartillögur á deiliskipulagsuppdrætti.

-Kvöðum og umfjöllun um Grænagarð er breytt til samræmis við breytingartillögur á deiliskipulagsuppdrætti og á aðalskipulagsuppdrætti.

Skipulagsnefnd samþykkir með þremur atkvæðum að vísa breytingartillögu til auglýsingar í samræmi við 41.gr. skipulagslagslaga nr. 123/2010 og sbr. 1. mgr. 43.gr. sömu laga.

Baldur Ó. Svavarsson greiðir atkvæði gegn tillögunni og Guðlaugur Kristmundsson situr hjá.

Baldur Ó. Svavarsson leggur fram eftirfarandi bókun:

"Fulltrúi Garðabæjarlistans ítrekar enn fyrri bókanir og mótmælir enn þeim áherslum og vinnubrögðum sem lögð eru til grundvallar við gerð svokallaðs skipulags fyrir Garðahverfi á Garðaholti.

Nú er það að raungerast sem undirritaður óttaðist og varaði við þegar í upphafi með bókun þegar þessi skipulagsgjörningur var kynntur og samþykktur. Þá varaði ég ítrekað m.a. við nákvæmlega því sem hér er að gerst, að húsum á bæjartorfunum sem hér fjallað um, myndi fjölga smám saman og grunnflöturinn þeirra stækka þar til framkallaðist undarlega samsett og óskipulögð þyrping húsað um öll tún á svæðinu og í framhaldi meðfylgjandi fasteigna brasks í anda þekktra hverfa hér í bæ . Þá verður of seint að snú við.

Umrædd bókun var gerð á fundi skipulagsnefndar 11. janúar 2012 - hér hluti hennar:

Byggðin á svæðinu er síður en svo aðlaðandi í dag og ekkert í þessu skipulagi sem tryggir að svo verði ekki áfram um ókomin ár. Eftir einhver árabil munu þetta þó verða verðmættar eignir þegar búskapur leggst endanlega af á svæðinu. Þá munu kröfur um aukið byggingarmagn gerast háværari. Kröfur um stærri byggingareiti og flerri hús. Þegar ber á þessum kröfum sbr. athugasemd um skipulagið sem fylgir fundarboði. Ekkert í skipulaginu tryggir gæði þeirra nýbygginga. Þeir byggingaskilmálar sem fyrirliggja í skilmálum eru óraunhæfir og frekar í ætt við draumkennda sýn á svæðið sem einhverskonar íslenskt Amish-hverfi í anda Árbæjarsafns. Þó það sé vilji áhugamann um svæðið að frysta þarna tímann og gamalt gisið byggðamynstur, þá er ekki víst að framtíðareigendur hafi áhuga á því markmiði.

Þessi bókun er í fullu gildi enn og á hér óþægilega vel við.

Minna má á að í upphafi var ætlunin að „vernda“ byggðina með því að heimila nokkur smáhús á hverri bæjartorfu. Hvert um sig ekki vera stærra en 60 m² að grunnnfleti, kjallari hæð og ris í anda gömlu húsana í Þingholtunum. Það var falleg rómantísk draumsýn. Það kom þegar í ljós hversu ígrundað þessi sýn var, því ákveðið að breyta um kúrs og grunnflöturinn stækkaður í 70 m², á þeim sama fundi og kynnt var. Síðan hefur hann verið hífður upp í 80 m² og hefur svo verið undanfarin misseri, en ekkert gerst í uppbyggingarmálum - Í bókuninni sagði jafnframt :

Hvað skýrir þann gjörning og hvað liggur að baki því að vernda byggingarétt á örfáum smájörðum í miðju höfuðborgarsvæðisins. Þessar ?jarðir? og byggingaréttur á þeim mun verða bitbein fasteiganslala og braskara eftir ekki svo mörg ár ásamt barátta fyrir frekari byggingarétti. Fleirri hús og stærri eftir því sem eigendum/erfingjum að hverri jörð fjölgar. Þarna mun myndast hiða nýja Arnarnes í Garðabæ ef fram fer sem horfir.

Nú á einmitt að fjölga lóðum og heimila mun stærri hús eða allt að 300 m² einbýli á hveri lóð.

Verðmæti þessa lands sem hér um ræðir og möguleikar eru óumdeildir og er eign okkar bæjarbúa. Undiritaður hefur ítrekað hvatt bæjaryfirvöld til að reikna þetta verðmæti sem hér er fórnað sem minningarreitur á grunni verndunar svokallaðs byggðaminnsturs 20 aldar. Jafnframt hvatt til þessa að horft verði til skipulagðari og metnaðarfyllri uppbyggingar og en hér er boðið upp á, nú á tímum kröfu um þéttari og arðbærari byggð. Þá verði horft til Garðholts sem heild."


Björg Fenger leggur fram eftirfarandi bókun fyrir hönd meirihlutans í skipulagsnefnd:

"Garðahverfið var deiliskipulagt í heild árið 2013 og tekur það til 85 hektara af um 250 hektara svæði Garðaholts. Í aðalskipulagi Garðabæjar 2016-2030 er Garðahverfið skilgreint sem landbúnaðarsvæði þar sem lögð er áhersla á vernd menningar- og náttúruminja enda hefur þar varðveist einstakt búsetulandslag, sem á rætur allt aftur til miðalda.

Markmið breytinganna nú er að laga lóðafyrirkomulag, byggingarreiti og byggingarskilmála að þörfum uppbyggingar á svæðinu, í kjölfar samráðs við landeigendur, þannig að þeir styðji við og styrki þau verndarsjónarmið sem liggja til grundvallar deiliskipulaginu."

Lögð fram tillaga að breytingu Aðalskipulags Garðabæjar 2016-2030 sem nær til háholts Hnoðraholts að lokinni auglýsingu ásamt þeim umsögnum sem borist hafa.

Vísað til úrvinnslu hjá umhverfissviði og skipulagsráðgjafa.

Lögð fram tillaga að deiliskipulagi háholts Hnoðraholts að lokinni auglýsingu ásamt þeim athugasemdum og umsögnum sem borist hafa.

Vísað til úrvinnslu hjá umhverfissviði og skipulagsráðgjafa.

Lögð fram tillaga að breytingu deiliskipulags Hnoðraholts norður ásamt þeim umsögnum sem borist hafa.

Vísað til úrvinnslu hjá umhverfissviði og skipulagsráðgjöfum.

Lögð fram tillaga að breytingu deiliskipulags Sjálands sem nær til lóðarinnar Nýhöfn 1-5 og svæðis vestan við lóðina að lokinni auglýsingu ásamt athugasemd sem borist hefur.

Athugasemd lýtur mest að atriðum sem varða umferð og yfirborðsútfærslu gatna og gatnamóta. Skipulagsnefnd telur að mögulegt sé að gera einhverjar úrbætur sem kalli þó ekki á breytingu deiliskipulags. Skipulagsnefnd telur að ekki sé svigrúm til þess að fella út bílastæði úr deiliskipulagi til að koma til móts við sjónarmið um greiðfærari götu í Löngulínu enda varðar það grundvallar hugmynd deiliskipulagsins.

Skipulagsnefnd vísar athugasemd til umhverfissviðs til skoðunar.

Skipulagsnefnd samþykkir tillöguna óbreytta frá auglýstri tillögu sem breytingu á deiliskipulagi Sjálands í samræmi við 41. gr. skipulagslaga nr. 123/2010.

Lögð fram tillaga að breytingu deiliskipulags Arnarness sem nær til lóðarinnar Mávaness 13 að lokinni auglýsingu. Athugasemdir sem borist hafa lagðar fram.

Tillögu og athugasemdum vísað til úrvinnslu hjá umhverfissviði.

Lögð fram fyrirspurn lóðarhafa að Sunnakri 5 um útfærslu á þaki ofan á steypta skjólveggi við íbúðarhúsið.

Skipulagsnefnd bendir á að skjólveggir hafa verið reistir utan lóðar og á það við um það svæði sem rætt er um.

Skipulagsnefnd getur ekki fallist á að gerð séu smáhýsi utan lóðar án deiliskipulagsferlis.

Lögð fram tillaga að breytingu deiliskipulags Miðbæjar sem nær til lóðar tónlistarskóla við Kirkjulund að lokinni auglýsingu. Engar athugasemdir bárust.

Skipulagsnefnd samþykkir tillöguna sem breytingu deiliskipulags Miðbæjar í samræmi við 41. gr. skipulagslaga nr. 123/2010.

Lögð fram tillaga að nýju að lokinni grenndarkynningu. Skipulagsstjóri gerði grein fyrir fundi með þeim sem gert hafa athugasemdir.

Vísað til úrvinnslu hjá umhverfissviði.

Lagðir fram uppdrættir sem fylgja umsókn um byggingarleyfi. Skipulagsnefnd gerir ekki athugasemd við að byggingarleyfi sé veitt sem er í samræmi við framlagða uppdrætti.

Lagðir fram að nýju uppdrættir sem fylgja umsókn um byggingarleyfi. Skipulagsnefnd ítrekar fyrri bókun vegna málsins.

Lögð fram fyrirspurn hönnuðar fyrir hönd lóðarhafa um útfærslu bílastæða á lóð. Lögð fram umsögn deiliskipulagshöfundar um fyrirspurn en þar segir: Ekki er lagst gegn því að bílastæðum neðanjarðar sé fjölgað né því að byggingarheimildir neðanjarðar séu auknar að því gefnu að bílakjallari sé innan byggingarreits.

Skipulagsnefnd tekur undir umsögn deiliskipulagshöfundar.

Skipulagsnefnd Garðabæjar gerir engar athugasemdir við tillöguna.

Lagðir fram aðaluppdrættir sem fylgja umsókn um byggingarleyfi fyrir stækkun á atvinnubyggingunni að Vesturhrauni 3 ásamt umsögn deiliskipulagshöfundar.

Skipulagsnefnd gerir ekki athugasemd við að skipulagsstjóri vísi tillögu að breytingu deiliskipulags Molduhrauns til grenndarkynningar sem óverulegri breytingu þegar sótt hefur verið um breytinguna og viðeigandi gögn lögð fram.

Skipulagsnefnd vísar fyrirspurn og umsögn Vegagerðarinnar til næstu endurskoðunar aðalskipulags sem mun fjalla um stefnu Garðabæjar um skilti og merkingar.

Lögð fram umsókn um byggingarleyfi fyrir gerð auglýsingaskiltis í landi Vífilsstaða við Reykjanesbraut og norðan Vífilsstaðalækjar.

Skipulagsstjóri gerði grein fyrir fundi með þeim sem athugasemdir gerðu.

Skipulagsnefnd vísar málinu til skoðunar hjá umhverfissviði.

Skipulagsnefnd Garðabæjar gerir ekki athugasemd við tillöguna.

Stefán Thors aðalskipulagsráðgjafi hjá VSÓ gerði grein fyrir tillögu að endurskoðuðu Aðalskipulagi Hafnarfjarðar, á síðasta fundi skiplagsnefndar, sem hefur verið vísað til forkynningar.

Embættismenn og ráðgjafar Garðabæjar og Hafnarfjarðar hafa undanfarið verið í gagnlegu samráði vegna tillögu að breytingu aðalskipulags Garðabæjar sem nær til stígakerfis sem er því í mótun beggja vegna sveitarfélagsmarka.

Garðabær ítrekar þær athugasemdir sem skipulagsstjóri Garðabæjar gerði við tillögu að breytingu Aðalskipulags Hafnarfjarðar og nær til Hrauns vestur en þar segir m.a.:

"Þær skipulagsbreytingar sem boðaðar eru í tillögu að rammahluta aðalskipulags Hafnarfjarðar sem nær til Hrauna vestur eru mjög umfangsmiklar svo vægt sé til orða tekið. Garðabær telur jákvætt að byggðin styrki áform um öflugar almenningssamgöngur um samgöngu-og þróunarás um Hafnarfjarðarveg en hefur um leið áhyggjur af stöðu mála hvað áhrif á umferðarkerfi varðar. Á meðan að ekki liggur fyrir stefna um útfærslur á stofnbrautakerfinu sem tengir saman Hafnarfjarðarveg, Álftanesveg, Reykjanesbraut og Flóttamannaveg er erfitt að taka afstöðu til þátta eins og byggingarmagns, íbúðafjölda, umferðarflæðis og landnotkunar almennt. Tekið er undir tillögu svæðisskipulagsnefndar um að áhersla sé lögð á mikilvægi þess að í komandi skipulags-og uppbyggingarferli sé virkt samtal við Vegagerðina og nærliggjandi sveitarfélögum um hönnun og útfærslu aðgerða sem líklegar eru til að draga úr álagi skv. samgöngumati."

Skipulagsnefnd hefur ekki frekari ábendingar á þessu stigi en áskilur sér allan rétt til þess að gera það á síðari stigum aðalskipulagsferlis.

Lögð fram drög að mögulegum breytingum á aðalskipulagi Reykjavíkur vegna hönnunar og útfærslu Sundabrautar og umhverfismats framkvæmdarinnar. Um forkynningu skipulagsbreytinga er að ræða og á þessu stigi eru settir fram tveir megin valkostir um útfærslu Sundabrautar - brú eða göng um Kleppsvík- auk þess sem ýmis afbrigði hönnunarlausna eru sett fram á völdum köflum leiðarinnar. Fjallað er með ítarlegum hætti um þessa mismunandi kosti og hönnunarlausnir í umhverfiskýrslu framkvæmdarinnar, sem er kynnt samhliða (fylgiskjal II, Efla) og í umhverfismati VSÓ-ráðgjafar um áhrif aðalskipulagsbreytinga (fylgiskjal I). Að lokinni kynningu umhverfisskýrslu framkvæmdarinnar og forkynningu aðalskipulagsbreytinga, verður mótuð formleg tillaga að breytingu á aðalskipulagi, sem lýsir endanlegri legu og útfærslu Sundabrautar. Ákvörðun um endanlega útfærslu Sundabrautar í aðalskipulagi, mun m.a. byggja á niðurstöðum umhverfismatsins, sjónarmiðum sem koma fram í kynningarferlinu framundan og nánara samkomulagi borgar og ríkis.

Skipulagsstjóri gerði grein fyrir kynningarfundi 20. nóvember sl. sem haldinn var á vegum svæðisskipulagsstjóra þar sem farið var yfir tillögur að aðalskipulagsbreytingu og mati á umhverfisáhrifum. Á þeim fundi kom fram að þeir valkostir sem staðið er frammi fyrir varðandi brú eða göng undir Kleppsvík hefur ekki mismunandi áhrif á umferð um Hafnarfjarðarveg eða Reykjanesbraut.

Skipulagsnefnd hefur ekki ábendingar varðandi verkefnið á þessu stigi.