2. fundur

Arkitektar frá Trípólí og Krads kynntu tillögu að fjölbýlishúsi að Vörðugötu 2 sem er skilgreint sem kennileytishús í deiliskipulagi. Urriðaholt ehf stóð fyrir arkitektasamkeppni um útfærslu byggingarinnar og varð þessi tillaga fyrir valinu.

Tillögu vísað til umsagnar deiliskipulagshöfundar.

Fulltrúar lóðareiganda, Líknar-og styrktarsjóðus Oddfellowa, ásamt Birni Guðbrandssyni arkitekt kynntu hugmyndir um breytingar deiliskipulags á háholti Urriðaholts, við Vinastræti.

Tillögum vísað til skoðunar hjá tækni- og umhverfissviði.

Fulltrúar landeiganda,ráðgjafastofunnar Alta og Edwin Róald Rögnvaldsson golfvallarhönnuður kynntu tillögur að golfbrautum innan fyrirhugaðs fólkvangs í Urriðakotshrauni.

Vísað til skoðunar hjá tækni- og umhverfissviði.

Þráinn Hauksson landslagsarkitekt fór yfir meginforsendur endurskoðunar á stígakerfi í Upplandi Garðabæjar í gildandi aðalskipulagi.

Vísað til skoðunar hjá tækni- og umhverfissviði.

Lögð fram skipulagslýsing vegna breytingar á Aðalskipulagi Garðabæjar 2016-2030 fyrir Arnarland (Arnarnesháls).

Landnotkun í gildandi aðalskipulagi verður breytt úr verslun og þjónusta (Vþ) í miðsvæði (M) til þess að rúma blandaða byggð atvinnu, skrifstofa og íbúða.

Jóhanna Helgadóttir hjá Arkþing og Þorgerður Einarsdóttir hjá Stefni kynntu lýsinguna.

Skipulagsnefnd samþykkir skipulagslýsinguna í samræmi við 1. mgr. 30. gr. skipulagslaga nr. 123/2010.

Skipulagsnefnd beinir því til tækni- og umhverfissviðs og landeiganda að halda áfram samráði við Kópavogsbæ um skipulag á sveitarfélagamörkum með sérstakri áherslu á greiðar og fjölbreyttar samgöngur og vistvænt umhverfi.

Lögð fram skipulagslýsing vegna deiliskipulags fyrir Arnarland (Arnarnesháls) sem unnin hefur verið á vegum landeiganda í samráði við Garðabæ.

Landeigandi óskar eftir því að móta deiliskipulag á sinn kostnað í samræmi við 2. mgr. 38. gr. skipulagslaga nr. 123/2010.

Jóhanna Helgadóttir hjá Arkþing og Þorgerður Einarsdóttir hjá Stefni kynntu lýsinguna.

Skipulagsnefnd samþykkir skipulagslýsinguna í samræmi við 1. mgr. 40. gr. sömu laga.

Skipulagsnefnd beinir því til tækni- og umhverfissviðs að halda áfram samráði við Kópavogsbæ um skipulag á sveitarfélagamörkum með sérstakri áherslu á greiðar og fjölbreyttar samgöngur og vistvænt umhverfi.

Lögð fram tillaga að breytingu deiliskipulags Flata sem gerir ráð fyrir stækkun byggingarreits á baklóð að Lindarflöt 44. Tillaga gerir einnig ráð fyrir stækkun bílageymslu á lóðarmörkum og breytingu á notkun hennar að hluta fyrir íverurými.

Skipulagsnefnd metur tillöguna sem óverulega breytingu á deiliskipulagi Flata í samræmi við 2. mgr. 43. gr. skipulagslaga nr. 123/2010 og vísar henni til grenndarkynningar í samræmi við 44. gr. sömu laga. Grenndarkynna skal eigendum Lindarflatar 41,42,43,45 og 46 sem og Hagaflatar 8 og 10.

Lögð fram tillaga að óverulegri breytingu á deiliskipulagi Iðnbúðar og Smiðsbúðar að lokinni grenndarkynningu.

Engar athugasemdir bárust.

Tillagan skoðast því samþykkt sem óveruleg breyting deiliskipulags Iðnbúðar og Smiðsbúðar.

Lögð fram tillaga að deiliskipulagi Silfurtúns sem gerir ráð fyrir því að nýtingarhlutfall lóða breytist úr 0,3 í 0,35. Þar sem hæðarmunur á lóð býður upp á útfærslu húss með kjallar verði hámarks nýtingarhlutfall 0,45.

Tillagan hefur verið forkynnt í samræmi við 3. mgr. 40. gr. skipulagslaga nr. 123/2010. Engar ábendingar hafa borist.

Skipulagsnefnd vísar tillögunni til auglýsingar í samræmi við 1. mgr. 41. gr. sömu laga. Vekja skal athygli á auglýsingunni með því að senda dreifibréf á alla íbúa í Silfurtúni.

Baldur Ó.Svavarsson vék af fundi undir þessum lið.

Lögð fram tillaga að breytingu byggingarreits bifreiðargeymslu. Reiturinn stækkar um 1,5 metra til vesturs inn á baklóð.

Skipulagsnefnd metur tillöguna sem óverulega breytingu deiliskipulags Silfurtúns í samræmi við 2. mgr. 43. gr. skipulagslaga nr. 123/2020 og er vísað til grenndarkynningar í samræmi við 44. gr. sömu laga. Grenndarkynna skal eigendum Aratúns nr.19,21,23,34 og 38. Tími athugasemdafrests skal vera sá sami og auglýsingar tillögu um breytingu nýtingarhlutfalls í Silfurtúni.

Baldur Ó.Svavarsson vék af fundi undir þessum lið.

Lögð fram tillaga að breytingu deiliskipulag Ása- og Grunda. Um er að ræða tillögu að breytingu á fyrri breytingu á byggð sem nær til byggðar við Eskiás og lóðir við Lyngás að ofanverðu (nr. 7-9, 13,15 og 17)

Skilmálar eftir breytingu yrðu með auðkennisnúmer 0.7.

Tillagan gerir ráð fyrir eftirfarandi breytingum:

1 Í kafla 2.5.3 er orðinu „húsnæði“ breytt í „atvinnuhúsnæði“.

2 Lóðirnar Lyngás 7 og 9 eru sameinaðar. Heildarfjöldi fermetra fyrir atvinnu og íbúðir sem og

fjöldi íbúða er óbreyttur fyrir sameinaða lóð. Stærðartöflu í kafla 4.4.3 er breytt þar sem lóðir

og heildarbyggingarmagn er lagt saman í eina lóð. Villa í útreikningi lagmarksfjölda bílastæða

fyrir Lyngás er leiðrétt í töflunni.

3 Í kafla 4.4.5 er tekin út setning um bílastæði við Eskiás sem ekki á við þennan kafla, en bætt

við setningu um bílastæði við Lyngás og Stórás.

4 Bætt er við orðunum „fyrir íbúðir“ í umfjöllun um djúpgáma í kafla 4.4.6.

5 Bætt er við nýjum kafla: „ 4.4.8 Sérákvæði fyrir Lyngás 7‐9“.

6 Kafli 4.5 er uppfærður og heitir núna Veitustöðvar. Lóðirnar eru nú tvær, Eskiás 3a og 3b, skv.

breytingu sem gerð var á deiliskipulagi og auglýst í B‐deild Stjórnartíðinda 06.09.2021.

Breyting á uppdrætti nær aðeins til lóðarinnar Lyngás 7-9 og gangstétta meðfram lóðarmörkum við Lyngás og Stórás.

Skipulagsnefnd vísar breytingartillögunni til auglýsingar í samræmi við 1.mgr.43.gr. skipulagslaga nr.123/2010.

Lögð fram tillaga að breytingu deiliskipulags Hnoðraholts norður sem nær til íbúðarbyggðar við Þorraholt að lokinni auglýsingu.

Tillagan gerir ráð fyrir breytingu á byggingarreitum sem hafa það að markmiði að bæta búsetugæði íbúðanna. Byggingarmagn breytist ekki en fjöldi íbúða getur orðið á bilinu 180-220 í stað 200 áður.

Fjarlægð byggingareita næst núverandi byggð í Hnoðraholti breytist ekki.

Lagðar fram athugasemdir gatnahönnuðar sem leggur til smávægilegar breytingar á tillögunni vegna aðlögunar byggðar að landslagi.

Lögð fram umsögn Vegagerðarinnar sem gerir ekki athugasemd við tillöguna.

Skipulagsnefnd samþykkir tillöguna sem breytingu deiliskipulags Hnoðraholts norður í samræmi við 3. mgr. 41. gr. skipulagslaga nr. 123/2010 með þeim breytingum sem gatnahönnuður leggur til.

Lögð fram tillaga að breytingu deiliskipulags Hnoðraholts norður sem gerir ráð fyrir stækkun skipulagssvæðis til suðurs austan Vetrarbrautar á háholti Hnoðraholts að lokinni auglýsingu. Gert er ráð fyrir 7.292 m2 lóð fyrir leikskóla sem nefnist Haustbraut 1 og 3.143 m2 íbúðarlóð ælaðri búsetukjarna fyrir fatlaða nefnd Haustbraut 2. Ennfremur er gert ráð fyrir lóð fyrir fjarskiptamastur við Vorbraut sem fær númerið 6b.

Engar athugasemdir bárust við tillöguna.

Skipuagsnefnd samþykkir tillöguna sem breytingu deiliskipulags Hnoðraholts norður í samræmi við 3. mgr. 41. gr. skipulagslaga nr. 123/2010.

Lögð fram fyrirspurn lóðarhafa um breytingu á tillögu að breytingu sem búið er að vísa til grenndarkynningar. Gert yrði ráð fyrir því að byggingarreitur næði að lóðarmörkum við Suðurhraun 4.

Svar skipulagsnefndar er neikvætt.

Lögð fram tillaga að breytingu Aðalskipulags Garðabæjar 2016-2030 sem nær til norðurhlíðar Urriðaholts.

Tillagan gerir ráð fyrir því að eftirfarandi landnotkunarreitir breytist sem hér segir: Reitur 5.04 Vþ (8 ha)minnkar og rennur saman við 5.08(1,6) Vþ og kallast eftir breytingu 5.04 Vþ (3,5 ha). Heildar minnkun á svæði ætlað Verslun og þjónustu um 6,1 ha. Ákvæði breytast þannig að gert verður ráð fyrir að atvinnuhúsnæði á reitnum næst gatnamótum Urriðaholtsstrætis og Holtsvegar blandast íbúðarbyggð fjær gatnamótunum. Reitur 5.05 Íb stækkar til norðvesturs úr 60,8 ha í 66,9 ha eða um 6,1 ha.

Samhliða er lögð fram tillaga að breytingu deiliskipulags sem nær til lóðarinnar Urriðaholtsstræti 9. Tillagan hefur verið kynnt fulltrúum húsfélagsins að Urriðaholtsstræti 14-20.

Engar ábendingar hafa borist.

Skipulagsnefnd vísar tillögunni til auglýsingar í samræmi við 31. gr. skipulagslaga nr. 123/2010. Senda skal tillögu til athugunar hjá Skipulagsstofnun áður en hún verður auglýst.

Lögð fram tillaga að breytingu deiliskipulags Urriðaholts 4. Áfangi norðurhluti sem nær til lóðarinnar Urriðaholtstræti 9 að lokinni forkynningu.

Í breytingartillögunni felst eftirfarandi:

Notkun breytist úr verslun- og þjónustu í íbúðir fyrir 50 ára og eldri, kvaðir eru settar um sameiginleg rými.

Gert verður ráð fyrir 80 íbúðum, 24 íbúðir undir 90 m2 og 56 íbúðir yfir 90 m2.

Almennir skilmálar fyrir íbúðir í norðurhluta 4 gilda fyrir lóðina eftir breytingu.

Lóðamörk Urriðaholtsstrætis 7 og 9 og lóðamörk spennistöðvar breytast.

Byggingarreitur hliðrast og breytist. Byggingarreitur brotinn upp og myndaðar sjónlínur milli byggingahluta.

Salarhæðir og hæðafjöldi byggingar breytist en hámarkshæð húss breytist lítillega.

Hámarkshæð tveggja inngangseininga lækkar, hámarkshæð einnar einingar er óbreytt en hámarkshæð inngangseiningar næst Lautargötu hækkar 0,8 m.

Byggingamagn á lóð minnkar. Bílastæðum á lóð fækkar til samræmis við breytta notkun.

Aðkoma að bílakjallara breytist. Krafa er gerð um grasstæði næst Urriðaholtsstræti

Aðkomugata færist lítillega til vesturs en tenging við Urriðaholtsstræti helst óbreytt.

Lagt fram erindi Urriðaholts ehf sem er eigandi lóðarinnar þar sem fram koma ýmsar ábendingar um þá tillögu sem hefur verið forkynnt.

Skipulagsnefnd fellst á að tillögunni sé breytt til samræmis við framkomnar ábendingar.

Tillögunni með ofangreindum breytingum vísað til auglýsingar í samræmi við 1. mgr. 31. gr. skipulagslaga nr. 123/2010 sbr. 1. mgr. 41. gr. sömu laga. Auglýsa skal tillögu samhliða tillögu að breytingu aðalskipulags sem nær til sama landnotkunarreits.

Lögð fram tillaga að breytingu deiliskipulags Urriðaholts Norðurhluta 2 og deiliskipulags Urriðaholts Norðurhluta 3 að lokinni auglýsingu.

Í deiliskipulagsbreytingunni felst að

· afmörkun deiliskipulagssvæðis breytist lítillega. Deiliskipulagsmörk milli 2. og 3. áfanga norðurhluta Urriðaholts samræmd.

· Bráðabirgðaútfærsla með snúningshaus í Dyngjugötu og Brekkugötu fellur niður.

Brekkugata og Dyngjugata tengjast Urriðaholtsstræti með deiliskipulagi Urriðaholts 3. áfanga.

· Breyting er gerð á fyrirkomulagi bílastæða og gangstéttar vegna samræmingar milli 2. og 3. áfanga norðurhluta Urriðaholts.

· Fyrirhuguð gatnatenging á Brekkugötu frá 3. áfanga norðurhluta Urriðaholts færist til.

Engar athugasemdir bárust.

Skipulagsnefnd samþykkir tillögunar sem breytingar á deiliskipulagi Urriðaholts norðurhluta 2 og deiliskipulagi Urriðaholts Norðurhluta 3 í samræmi við 3. mgr. 41. gr. skipulagslaga nr. 123/2010

Tillaga lögð fram að lokinni auglýsingu ásamt athugasemd sem borist hefur.

Tillögu ásamt athugasemd vísað til skoðunar hjá tækni- og umhverfissviði.

Lögð fram fyrirspurn lóðarhafa um aukningu á heildar byggingarmagni ásamt umsögn deiliskipulagshöfundar.

Ekki er mælt með að byggingamagn á lóð verði aukið um 330 m².

Ekki er gerð athugasemd við að 2 x 5 m byggingarhluti á jarðhæð verði innan byggingarreits en utan byggingarreits inndreginnar jarðhæðar.

Með vísan í umsögn er svar skipulagsnefndar neikvætt hvað varðar aukningu byggingarmagns en jákvætt hvað 2x5 m byggingarhluta varðar.

Lögð fram umsókn tækni- og umhverfissviðs um framkvæmdaleyfi fyrir gatnagerð og tilheyrandi í Garðahrauni suður (Prýðahverfi sunnan Garðahraunsvegar).

Skipulagsnefnd veitir framkvæmdaleyfi samkvæmt 13.gr.Skipulagslaga nr.123/2010 sem er í samræmi við framlögð gögn.

Lögð fram umsókn tækni-og umhverfissviðs fyrir lagningu stofnstígs við norðurmörk deiliskipulagssvæðis í Molduhrauns. Umsókn er í samræmi við gildandi deiliskipulag.

Skipulagsnefnd veitir framkvæmdaleyfi samkvæmt 13. gr. skipulagslaga nr. 123/2010 sem er í samræmi við framlögð gögn.

Ragnheiður Einarsdóttir og Sólrún Svava Skúladóttir hjá Stræto kynntu tillögur að nýju leiðarkerfi strætisvagna í Garðabæ og tengdum leiðum. Skipulagsnefnd þakkar fyrir góða kynningu og gerir ekki athugasemdir við tillögurnar.