9. fundur

Við skoðun hefur komið í ljós að auglýst og samþykkt tillaga að breytingu deiliskipulags norðurhluta Hnoðraholts sem gerir ráð fyrir því að hámarkshæð fjölbýlishúsa við Vorbraut hækki sem nemur einni inndreginni hæð er ekki að öllu leyti í samræmi við ákvæði aðalskipulags þar sem fram kemur að hámarkshæð húsa á landnotkunarreit 4.12 Íb er 3 hæðir. Tillaga að breytingu á deiliskipulagi gerir ráð fyrir því að fjölbýlishús sunnan Vorbrautar geti verið 4 hæðir.

Einnig hefur komið í ljós að sambærilegt ósamræmi er við aðalskipulag á tillögu að breytingu á deiliskipulagi norðurhluta Hnoðraholts sem nær til Þorraholts sem hefur verið vísað í auglýsingu. Í tillögunni er gert ráð fyrir fjölgun íbúða og að hámarkshæð húsa geti verið 5. Í aðalskipulagi sem gildir fyrir svæðið (landnotkunarreitur 4.11 íb) kemur fram að íbúafjöldi er 200 og hámarkshæð húsa 4 hæðir og er tillagan að þessu leyti ekki í samræmi við gildandi aðalskipulag.

Ákvæði aðalskipulags eru sett fram í rammahluta aðalskipulags Garðabæjar 2016-2030 fyrir Vífilsstaðaland sem tók gildi árið 2021. Ákvæðin er að finna í töflu 3 í kafla 4.5.2. í greinargerð rammahlutans.

Í kafla 4.5.1 í greinargerð rammahlutans er sett fram áætlun um byggingarmagn þ.m.t. fjölda íbúða eftir skipulagssvæðum þar sem Hnoðraholti er gróflega skipt upp í norðurhluta og suðurhluta. Norðurhluti Hnoðraholts nær þá til landnotkunarreitanna 4.11 Íb, 4.12 Íb og 4.06 Vþ ásamt 4.05 S.

Þar sem að áætlaður fjöldi íbúða samkvæmt tillögum að breytingum á deiliskipulagi sem samþykktar hafa verið í bæjarstjórn er nú talsvert hærri en tafla 4.5.1 gerir ráð fyrir, m.a. vegna minni meðalstærð íbúða, þarf að hækka þann fjölda til samræmis.

Skipulagsstjóri leggur fram tillögu að breytingu á Rammahluta aðalskipulags Garðabæjar 2016-2023 sem nær til Vífilsstaðalands sem hér segir:

Skipulagsákvæði fyrir landnotkunarreit 4.11 Íb Hnoðraholt vestur (Þorraholt) hljóði svo:

Íbúðarbyggð, fjölbýlishús. Miðað við u.þ.b.69 íbúðir/ha eða allt að 236 íbúðir(er 200). Hámarkshæð bygginga er 5 hæðir (er 4) og skal 5. hæð vera inndregin. Heimilt er að hafa bílageymslur undir fjölbýlishúsum. Frekari skilmálar skulu settir í deiliskipulagi fyrir svæðið.

Skipulagsákvæði fyrir landnotkunarreit 4.12 Íb Hnoðraholt norður hljóði svo:

Íbúðarbyggð, áhersla á fjölbreytt form íbúða, einbýli, sérbýli s.s. raðhús og fjölbýli. Miðað er við u.þ.b.23 íbúðir/ha eða allt að 280 íbúðir (er 170). Einbýli efst á holtinu. Hámarkshæð húsa er 4 hæðir og skal efsta hæð fjölbýlishúsa vera inndregin. Heimilt er að hafa bílageymslur undir fjölbýlishúsum. Frekari skilmálar skulu settir í deiliskipulagi fyrir svæðið.

Tafla 2 í kafla 4.5.1. hljóði svo

Hnoðraholt-norður: Fjöldi íbúða 470-520 íbúðir (er 400-450)

Vífilsstaðaland: Fjöldi íbúða samtals 2.100-2.500 (er nú 2.000-2.400)

Skipulagsnefnd samþykkir að vísa tillögu að breytingu aðalskipulags Garðabæjar í samræmi við tillögu skipulagsstjóra til auglýsingar samkvæmt 1. mgr. 36. gr. skipulagslaga nr.123/2010. Þar sem að umræddar breytingar hafa verið kynntar í formi deiliskipulagstillagna lítur skipulagsnefnd svo á að skilyrðum 30. gr. sömu laga þar sem kveðið er á um kynningu og samráð (lýsingu og forkynningu) sé fullnægt enda voru ekki gerðar athugsemdir við tillöguna hvað varðar hámarkshæð húsa eða fjölgun íbúða. Leita skal umsagnar umsagnaraðila á auglýsingartíma og óska eftir athugun Skipulagsstofnunar áður en tillaga er auglýst.

Tillaga að breytingu aðalskipulags skal auglýst samhliða breytingum á deiliskipulagi Hnoðraholts sem nær annarsvegar til svæðisins vestan Vetrarbrautar (Þorraholt) og hinsvegar til svæðisins austan Vetrarbrautar.

Lögð fram að nýju tillaga að breytingu deiliskipulags Hnoðraholts norðurhluta sem gerir ráð fyrir því að hæðafjöldi fjölbýlishúsa við Vorbraut aukist sem nemur einni hæð sem verði inndregin.

Við skoðun hefur komið í ljós að ósamræmi er við ákvæði aðalskipulags Garðabæjar 2016-2030 og hefur bæjarráð afturkallað deiliskipulagsbreytinguna sem búið var að samþykkja.

Tillagan gerir ráð fyrir því að hámarkshæð fjölbýlishúsa við Vorbraut hækki sem nemur einni inndreginni hæð en skipulagsákvæði sem sett er fram í aðalskipulag gerir ráð fyrir að hámarkshæð húsa á landnotkunarreit 4.12 Íb sé að hámarki 3 hæðir. Tillaga að breytingu á deiliskipulagi gerir ráð fyrir því að fjölbýlishús sunnan Vorbrautar geti verið 4 hæðir.

Skipulagsstjóri leggur til að sú breyting verði gerð á tillögunni að bílageymslur verði heimilaðar undir fjölbýlishúsum (bílakjallari). Við þá breytingu getur íbúðum við Vorbraut 8, 10,12,14 og 16 fjölgað úr 9 í 12 þar sem að þá verður unnt að uppfylla kröfur um fjölda bílastæða.

Skipulagsnefnd vísar tillögunni með ofangreindri breytingu til auglýsingar að nýju í samræmi við 1.mgr.43.gr.skipulagslaga nr.123/2010 og skal hún auglýst samhliða tillögu að breytingu aðalskipulags sem gerir ráð fyrir að hámarkshæð húsa á landnotkunarreit 4.12 Íb geti verið 4 hæðir auk þess sem töflum með áætluðum íbúðafjölda í greinargerð rammahluta aðalskipulags verði breytt.

Lögð fram að nýju tillaga að breytingu deiliskipulags Hnoðraholts norðurhluta sem gerir ráð fyrir því að hámarksfjöldi íbúða við Þorraholt aukist úr 220 í 236. Einnig að hluti bygginga geti orðið allt að 5 hæðir..

Við skoðun hefur komið í ljós að ósamræmi er við ákvæði aðalskipulags Garðabæjar 2016-2030 og hefur bæjarráð afturkallað deiliskipulagsbreytinguna sem búið var að samþykkja að vísa í auglýsingu.

Ósamræmi við aðalskipulagsákvæði felst í því að hámarkshæð húsa á landnotkunarreit 4.11 Íb sé að hámarki 4 hæðir.

Skipulagsnefnd vísar tillögunni með ofangreindri breytingu til auglýsingar að nýju í samræmi við 1.mgr.43.gr.skipulagslaga nr.123/2010 og skal hún auglýst samhliða tillögu að breytingu aðalskipulags sem gerir ráð fyrir að hámarkshæð húsa á landnotkunarreit 4.11 Íb geti verið 5 hæðir auk þess sem töflum með áætluðum íbúðafjölda í greinargerð rammahluta aðalskipulags verði breytt.

Lögð fram tillaga að breytingu Hnoðraholts norðurhluta sem nær til lóðanna Þorraholt 2 og Þorraholt 4 ásamt þeim athugasemdum og umsögnum sem borist hafa.

Tillögu og innsendum athugasemdum vísað til úrvinnslu hjá umhverfissviði og skipulagsráðgjafa.

Sigurður Einarsson arkitekt hjá Batteríinu kynnti hugmyndir um breytingar á deiliskipulagi Vetrarmýrar sem unnar hafa verið fyrir lóðarhafa og ná til lóðanna Vetrarbraut 1,3,5,og 7 auk bílageymslulóðanna 5b og 7b.

Vísað til frekari úrvinnslu hjá umhverfissviði og skipulagsráðgjafa.

Lögð fram lýsing fyrirhugaðrar breytingar á Aðalskipulagi Garðabæjar 2016-2030 sem nær til 4.kafla greinargerðar sem tekur á stígakerfi og almenningssamgöngum ásamt ábendingum og umsögnum sem borist hafa.

Í bókun skipulagsnefndar þann 22.maí sl vegna fráveitumála mælti skipulagsnefnd með að umfjöllun um fráveitumál yrði einnig hluti af aðalskipulagsbreytingu þessari og að leitað yrði ráðgjafar vegna þeirra.

Hrönn Hafliðadóttir verkefnisstjóri skipulagsmála gerði grein fyrir framlögðum umsögnum og ábendingum og ræddi hugmyndir um kynningu á vef Garðabæjar sem verður með gagnvirkum hætti.

Umsögnum og ábendingum vísað til úrvinnslu hjá umhverfissviði og skipulagsráðgjöfum.

Lögð fram að lokinni auglýsingu tillaga að breytingu Aðalskipulags Garðabæjar 2016-2030 sem nær til Upplands Garðabæjar og skipulagssvæða þeirra deiliskipulagstillagna sem auglýstar voru samhliða. Lagðar fram þær athugasemdir og umsagnir sem borist hafa ásamt drögum að greinargerð þar sem að viðbrögð og svör Garðabæjar við þeim er að finna.

Í umsögn Vegagerðar kemur fram að Flóttamannavegur (Elliðavatnsvegur) sé flokkaður sem stofnvegur í umsjá stofnunarinnar og beri að sýna hann sem slíkan á skipulagsuppdráttum. Skipulagsnefnd bendir á að dæmi eru um að tengibrautir í aðalskipulagi sveitarfélaga sé stofnvegir í umsjá Vegagerðarinnar og því sé ekki ástæða til að skilgreina Flóttamannaveg sem stofnbraut. Skipulagsnefnd leggur til að á aðalskipulagsuppdrætti og á deiliskipulagsuppdráttum þar sem að tengibrautina Flóttamannaveg er að finna skuli skilgreint 30 m breitt veghelgunarsvæði tengibrautar. Landnotkunarreitur Íb 4.13 austan Vífilsstaða minnkar sem nemur veghelgunarsvæði Flóttamannavegar.

Athugasemdir og umsagnir kalla ekki að öðru leyti á breytingar á auglýstri tillögu en framsetningu hennar hefur verið breytt í kjölfar athugunar hjá umhverfissviði og ráðgjafa.

Skipulagsnefnd samþykkir tillöguna með ofangreindri breytingu og lagfæringu í samræmi við 1.mgr.31.gr.skipulagslaga nr.123/2010.

Lögð fram tillaga að deiliskipulagi Vífilsstaðahrauns að lokinni auglýsingu ásamt þeim athugasemdum og umsögnum sem borist hafa ásamt drögum að greinargerð þar sem að viðbrögð og svör Garðabæjar við þeim er að finna.

Varðandi umsögn Umhverfisstofnunar og athugasemdir Landssamtaka hjólreiðamanna um stöðu og útfærslu stofnstígs í gegnum fólkvang Vífilsstaðahrauns samhliða Reykjanesbraut þá lítur nefndin svo á að stofnstígurinn þjóni sama hlutverki og stofnstígur handan Reykjanesbrautar í fólkvangi Garðahrauns efra, þ.e. að bæði gangandi og hjólandi vegfarendum sé heimil för. Hinsvegar vísar skipulagsnefnd því til umhverfissviðs að við mótun deiliskipulags Reykjanesbrautar sem stefnt er að þá verði gert ráð fyrir sérstökum hjólreiðastíg (samgöngustíg) þétt upp við brautina sem þjóni þeim hjólreiðamönnum sem þurfi að komast leiðar sinnar með hraði.

Sú lega stofnstígsins sem fram kemur á deiliskipulagsuppdrætti hefur verið valin af kostgæfni í kjölfar skoðunar Umhverfisstofnunar, ráðgjafa og umhverfissviðs en ljóst er að við hönnun og framkvæmd verður farið enn nánar ofan í saumana með það að markmiði að laga stíginn að viðkvæmri ásýnd og náttúru hraunsins.

Í umsögn Vegagerðar kemur fram að Flóttamannavegur (Elliðavatnsvegur) sé flokkaður sem stofnvegur í umsjá stofnunarinnar og beri að sýna hann sem slíkan á skipulagsuppdráttum. Skipulagsnefnd bendir á að dæmi eru um að tengibrautir í aðalskipulagi sveitarfélaga séu stofnvegir í umsjá Vegagerðarinnar og því sé ekki ástæða til að skilgreina Flóttamannaveg sem stofnbraut. Skipulagsnefnd leggur til að á aðalskipulagsuppdrætti og á deiliskipulagsuppdráttum þar sem að tengibrautina Flóttamannaveg er að finna skuli skilgreint 30 m breitt veghelgunarsvæði tengibrautar.

Skipulagsnefnd telur að hvorki umsagnir né athugasemdir sem borist hafa kalli að öðru leyti á breytingu á auglýstri tillögu.

Skipulagsnefnd samþykkir tillöguna með ofangreindri breytingu sem deiliskipulag Vífilsstaðahrauns, Vatnsmýrar og Maríuhella í samræmi við 3.mgr.41.gr.skipulagslaga nr.123/2010.

Lögð fram tillaga að deiliskipulagi Útivistarsvæðis í Urriðavatnsdölum að lokinni auglýsingu ásamt þeim athugasemdum og umsögnum sem borist hafa ásamt drögum að greinargerð þar sem að viðbrögð og svör Garðabæjar við þeim er að finna.

Vegna athugsemda hestamannafélaganna Spretts og Sörla vill skipulagsnefnd taka fram að nefndin telur að ástæða sé til að finna legu fyrir reiðstíg sem tengir reiðstíg undir Vífilsstaðahlíð við hestamannasvæði Sörla sem komi í stað þeirrar reiðvegatengingar meðfram Flóttamannavegi sem nú er felld út úr skipulagi. Eins og fram hefur komið náðist ekki samkomulag við landeigendur Setbergs um þá tengingu. Óskum hestamannafélaganna er vísað til yfirstandandi vinnu við endurskoðun á framsetningu stígakerfis í aðalskipulagi Garðabæjar.

Tillaga að friðlýsingu Urriðakotshrauns sem fólkvangs hefur verið kynnt samhliða deiliskipulagstillögunni og fyrir liggur ósk Umhverfisstofnunar eftir samþykki Garðabæjar á henni. Skipulagsnefnd samþykkir fyrir sitt leyti þá friðlýsingu.

Samkomulag hefur náðst um stafestingu á landamerkjum Vífilsstaða og Urriðakots og falla mörk friðlýsingar og deiliskipulags Urriðavatnsdala og Heiðmerkur nú að þeim mörkum. Liggja mörkin að mestu leyti í legu núverandi stofnstígs undir Vífilsstaðahlíð.

Vegna umsagnar Landsnets er eftirfarandi ákvæðum bætt við í kafla 4.15 í greinargerð tillögunnar. „Hafa skal samráð við Landsnet um allar framkvæmdir í grennd við raflínur og mannvirki tengd þeim. Háspennulínur eru á vegum Landsnets sem fer með öll málefni sem þær varðar. Upplýsa skal Landsnet ef vinna er fyrirhuguð nærri spennuhafa háspennulínu og ekki má hefja vinnu nálægt flutningsvirki í rekstri nema fyrir liggi heimild frá fyrirtækinu. Sérstaka aðgát skal hafa við vinnu nærri eða undir spennuhafa háspennulína og tryggja skal að framkvæmdir ógni ekki afhendingaröryggi rafmagns."

Helgunarsvæði raflína er þar að auki bætt við á deiliskipulagsuppdrátt og texti í kafla 4.15 uppfærður m.t.t. helgunarsvæðis.

Vegna athugasemdar Skógræktarinnar er eftirfarandi bætt við kafla 4.8. í greinargerð:Taka skal mið af 19. gr. laga um skóga og skógrækt nr. 33/2019 sem fjallar um varanlega eyðingu skóga, áður en framkvæmdir við stígagerð og/eða lagningu golfbrauta hefjast.

Skipulagsnefnd telur að hvorki umsagnir né athugasemdir sem borist hafa kalli að öðru leyti á breytingu á auglýstri tillögu.

Skipulagsnefnd samþykkir tillöguna með ofangreindri textabreytingu í greinargerð sem deiliskipulag Útivistarsvæðis í Urriðavatnsdölum í samræmi við 3.mgr.41.gr.skipulagslaga nr.123/2010.

Við gildistöku deiliskipulagsins fellur úr gildi deiliskipulag Golfvallar í Urriðavatnsdölum sem staðfest var af Skipulagsstjóra ríkisins þann 15.desember 1992.

Lögð fram tillaga að friðlýsingarskilmálum og uppdrætti fólkvangs í Urriðakotshrauni sem kynntur hefur verið samhliða tillögu að deiliskipulagi útivistarsvæðis í Urriðavatnsdölum og tillögu að breytingu aðalskipulags Garðabæjar sem nær til sama svæðis. Kynning tillögunnar hefur verið í höndum Umhverfisstofnunar í samræmi við lög um náttúruvernd.

Einnig lagt fram erindi Umhverfisstofnunar þar sem fram kemur ósk stofnunarinnar fyrir samþykki Garðabæjar á tillögunni.

Skipulagsnefnd samþykkir tillöguna fyrir sitt leyti og fagnar þeim merkilega áfanga að nú hefur því markmiði verið náð sem bæjarstjórn Garðabæjar hefur stefnt að frá árinu 2006 að friðlýsa Búrfellshraun frá gýg til strandar.

Lögð fram tillaga að breytingu deiliskipulags Heiðmerkur og Sandahlíðar að lokinni auglýsingu ásamt þeim athugasemdum og umsögnum sem borist hafa ásamt drögum að greinargerð þar sem að viðbrögð og svör Garðabæjar við þeim er að finna.

Varðandi athugasemdir hestamannafélaganna Spretts og Sörla þá bendir skipulagsnefnd á að deiliskipulag Heiðmerkur gerir ráð fyrir reiðstígum sem hafa ekki enn verið lagðir og því er beint til umhverfissviðs að huga að framkvæmd þeirra.

Í athugasemdum Skógræktarfélags Garðabæjar er gerð athugasemd við legu lóðar og byggingarreits fyrir aðstöðu félagsins undir Sandahlíð. Skipulagsstjóri og deiliskipulagshöfundur leggja til nýja legu við mörk skógræktarsvæðis og hesthúsabyggðar sem hefur verið unnin í samráði við stjórn skógræktarfélagsins. Skipulagsnefnd er samþykk þeirri breytingartillögu.

Vegna umsagnar Landsnets er eftirfarandi ákvæðum bætt við kafla 4.11 greinargerðar deilskipulagsins: “Háspennulínur eru á vegum Landsnets sem fer með öll málefni sem þær varðar. Upplýsa skal Landsnet ef vinna er fyrirhuguð nærri spennuhafa háspennulínu og ekki má hefja vinnu nálægt flutningsvirki í rekstri nema fyrir liggi heimild frá fyrirtækinu. Sérstaka aðgát skal hafa við vinnu nærri eða undir spennuhafa háspennulína og tryggja skal að framkvæmdir ógni ekki afhendingaröryggi rafmagns." Færa skal inn legu og helgunarsvæði Hamraneslínu á deiliskipulagsuppdrátt til samræmis við Aðalskipulag Garðabæjar 2016-2030.

Samkomulag hefur náðst um stafestingu á landamerkjum Vífilsstaða og Urriðakots og falla mörk friðlýsingar og deiliskipulags Urriðavatnsdala og Heiðmerkur nú að þeim mörkum. Liggja mörkin að mestu leyti í legu núverandi stofnstígs undir Vífilsstaðahlíð.

Skipulagsnefnd samþykkir tillöguna með ofangreindum breytingum sem breytingu á deiliskipulagi Heiðmerkur og Sandahlíðar í samræmi við 3.mgr.41.gr.skipulagslaga nr.123/2010.

Lögð fram tillaga að breytingu deiliskipulags Urriðaholts austurhluta að lokinni auglýsingu sem gerir ráð fyrir því að reiðstígur sem skilgreindur er meðfram Flóttamannavegi verði felldur út. Lagðar fram þær athugasemdir og umsagnir sem borist hafa ásamt drögum að greinargerð þar sem að viðbrögð og svör Garðabæjar við þeim er að finna.

Í umsögn Vegagerðar kemur fram að Flóttamannavegur (Elliðavatnsvegur) sé flokkaður sem stofnvegur í umsjá stofnunarinnar og beri að sýna hann sem slíkan á skipulagsuppdráttum. Skipulagsnefnd bendir á að dæmi eru um að tengibrautir í aðalskipulagi sveitarfélaga sé stofnvegir í umsjá Vegagerðarinnar og því sé ekki ástæða til að skilgreina Flóttamannaveg sem stofnbraut. Skipulagsnefnd leggur til að á aðalskipulagsuppdrætti og á deiliskipulagsuppdráttum þar sem að tengibrautina Flóttamannaveg er að finna skuli skilgreint 30 m breytt veghelgunarsvæði tengibrautar.

Skipulagsnefnd samþykkir tillöguna með ofangreindri breytingu sem breytingu á deiliskipulagi Urriðaholts austurhluta í samræmi við 3.mgr.41.gr.skipulagslaga nr.123/2010.

Lögð fram tillaga að breytingu deiliskipulags Urriðaholts norðurhluta 4.áfanga að lokinni auglýsingu sem gerir ráð fyrir því að reiðstígur sem skilgreindur er meðfram Flóttamannavegi verði felldur út og að undirgöng fyrir stofnstíg verði undir Flóttamannaveg. Lagðar fram þær athugasemdir og umsagnir sem borist hafa ásamt drögum að greinargerð þar sem að viðbrögð og svör Garðabæjar við þeim er að finna.

Í umsögn Vegagerðar kemur fram að ekki sé gerð athugsemd við undirgögn undir Flóttamannaveg. Einnig er bent á í umsögninni að Flóttamannavegur (Elliðavatnsvegur) sé flokkaður sem stofnvegur í umsjá stofnunarinnar og beri að sýna hann sem slíkan á skipulagsuppdráttum. Skipulagsnefnd bendir á að dæmi eru um að tengibrautir í aðalskipulagi sveitarfélaga sé stofnvegir í umsjá Vegagerðarinnar og því sé ekki ástæða til að skilgreina Flóttamannaveg sem stofnbraut. Skipulagsnefnd leggur til að á aðalskipulagsuppdrætti og á deiliskipulagsuppdráttum þar sem að tengibrautina Flóttamannaveg er að finna skuli skilgreint 30 m breytt veghelgunarsvæði tengibrautar.

Skipulagsnefnd samþykkir tillöguna með ofangreindri breytingu sem breytingu á deiliskipulagi Urriðaholts norðurhluta 4.áfanga í samræmi við 3.mgr.41.gr.skipulagslaga nr.123/2010.

Lagt fram erindi Hestamannafélagsins Spretts um reiðvegamál í Upplandi Garðabæjar.

Erindi vísað til umhverfissviðs og yfirstandandi vinnu við endurskoðun á stígakerfi í aðalskipulagi Garðabæjar (4.kafli greinargerðar).

Lögð fram tillaga að breytingu á deiliskipulagi Hæðahverfis (Bæjargil 2.áf) sem nær til lóðarinnar Rjúpnahæð 5.

Tillagan gerir ráð fyrir tveimur byggingarreitum fyrir viðbyggingar, önnur á baklóð sem verður með sömu gólfhæð og 2.hæð húss en hin til vesturs með sömu gólfhæð og kjallari húss.

Skipulagsnefnd metur breytinguna sem óverulega breytingu á deiliskipulagi Hæðahverfis í samræmi við 2.mgr.43.gr.skipulagslaga nr.123/2010 og vísar henni til grenndarkynningar í samræmi við 44.gr.sömu laga.

Grenndarkynna skal eigendum Rjúpnahæðar 2,3,4,6 og 7 sem og Nónhæð 6.

Lögð fram fyrirspurn eiganda íbúðar á neðri hæð að Hraunhólum 7 um það hvort heimiluð yrði aðkoma fyrir akandi umferð að lóðinni frá Lynghólum sem auðveldaði aðgengi að íbúð á neðri hæð. Yrði þá gert ráð fyrir bílastæði innan lóðar.

Svar skipulagsnefndar: Fyrirspurn þessa efnis hefur verið til umfjöllunar hjá skipulagsyfirvöldum í Garðabæ áður. Skipulagsnefnd mælir ekki með því að aðkoma verði frá Lynghólum enda hefur deiliskipulag Hraunsholts eystra gert ráð fyrir því að aðkoma og bílastæði séu Hraunhólamegin. Íbúar við Lynghóla hafa komið því á framfæri við umhverfissvið að andstaða sé í þeirra hópi við aðkomu að lóðinni þeim megin.

Svar skipulagsnefndar er því neikvætt.

Lögð fram tillaga að breytingu deiliskipulags Flata sem gerir ráð fyrir því að byggingarreitur stækki á baklóð sem nemur áformum um viðbyggingu einbýlishússins. Ennfremur er gert ráð fyrir lengingu bílageymslu um 1,8 m á lóðarmörkum. Heildarlengd bílageymslu á lóðarmörkum verður þá 11,5 m en deiliskipulag heimilar 7,5 m.

Skipulagsnefnd metur breytinguna sem óverulega breytingu deiliskipulags Flata í samræmi við 2.mgr.43.gr.skipulagslaga nr.123/2010 og vísar henni til grenndarkynningar í samræmi við 44.gr.sömu laga.

Grenndarkynna skal eigendum Hagaflatar 12 og 16, Tjarnaflatar 1 og 2, Bakkaflatar 1 sem og Lindarflatar 38, 40 og 42.

Lögð fram umsókn um byggingaráform og byggingarleyfi sem vísað var til grenndarkynningar ásamt þeim athugasemdum sem borist hafa.

Í athugasemdum kemur fram að starfsemi athafnasvæðisins er farin að valda álagi á aðliggjandi íbúðarbyggð, bæði vegna umfangs bygginga og umferðarálags (bílastæða).

Skipulagsnefnd vísar málinu til yfirstandandi vinnu við endurskoðun deiliskipulags Iðnbúðar og Smiðsbúðar og Bæjargils. Skoða skal sérstaklega hvernig stuðla megi að sátt á milli íbúðarbyggðar og athafnasvæðis.

Baldur Ó. Svavarsson vék af fundi undir þessum lið.

Lögð fram umsókn um byggingarleyfi þar sem fram kemur að lóðarhafi hyggst sækja um stækkun lóðar út að grænu svæði. Lögð fram umögn deiliskipulagshöfundar þar sem að lagt er til að lóðarhafi geri betur grein fyrir því hvernig hann hyggist ganga frá lóðarmörkum. Skipulagsnefnd tekur undir umsögnina.

Sækja þarf um breytingu deiliskipulags og ganga frá samkomulagi við bæjaryfirvöld um kaup á því landi sem bætist við lóðina ef fallist verður á deiliskipulagsbreytinguna.

Lögð fram umsókn lóðarhafa um gerð skjólveggja sem eru hærri en deiliskipulag gerir ráð fyrir.

Umsögn deiliskipulagshöfundar lögð fram þar sem að fram kemur að jarðvegsmön sú sem að útbúin hefur verið á grænu opnu svæði við Lindarstræti eigi sér ekki stoð í deiliskipulagi. Umrædd jarðvegsmön er ástæða þess að lóðarhafi sækir um að gera skjólvegg sem er ekki í samræmi við deiliskipulag.

Skipulagsnefnd óskar eftir útskýringu umhverfissviðs, framkvæmdaraðila og eftirlitsaðila á því að jarðvegsmön þessi var gerð án þess að stoð væri fyrir henni í deiliskipulagi.

Lögð umsókn um breytingu deiliskipulags Kjóavalla þar sem gert verði ráð fyrir að hluti húss geti orðið tveggja hæða svo unnt sé að útbúa setustofu og kaffistofu á efri hæð. Heimilt yrði að hækka hámarkshæð og breyta gerð þaks.

Skipulagsstjóri gerði grein fyrir því að skipulagsráðgjafi vinnur að mótun tillögu sem ætlað er að auka svigrúm hesthúseigenda í Andvarahverfi til þess að útbúa kaffistofur á efri hæð en standa um leið vörð um svipmót hesthúsa.

Kvistir hafa verið útbúnir að Dreyravöllum 3, Fluguvöllum 4 og Andvaravöllum 3. Voru umsóknir grenndarkynntar í tveimur tilfellum en að Dreyravöllum 3 var umsókn samþykkt án undangenginnar grenndarkynningar.

Skipulagsnefnd telur að það sé talsverður munur á útfærslu framlagðra uppdrátta að Dreyravöllum 5 heldur en í hinum tillögunum þar sem að ekki er um kvist að ræða heldur aðra hæð.

Skipulagsnefnd er ekki reiðubúin að vísa tillögunni með þessari útfærslu til grenndarkynningar.

Skipulagsnefnd telur ástæðu til að lýsa ánægju með samþykkt bæjarstjórnar um friðlýsingu Bessastaðanes sem samþykkt var á fundi bæjarstjórnar 15. júní 2023. Í bókun bæjarstjórnar kemur fram að samþykktin er í samræmi við 49. gr. laga nr. 60/2013 um náttúruvernd. Friðlýsingarskilmálar hafa verið unnir á vegum Umhverfisstofnunar í samstarfi við embætti forseta Íslands, Garðabæ, forsætisráðuneyti, umhverfis- og auðlindaráðuneyti og Minjastofnun Íslands.

Skipulagsnefnd Garðabæjar styður heilshugar áætlanir um Græna stíginn og lýsir yfir ánægju með þá frumgreiningu sem lögð er fram. Nefndin bendir á að Garðabær gerir ráð fyrir stígnum í öllum þeim skipulagsáætlunum í Garðabæ sem hann varða.

Lögð fram tillaga að Aðalskipulagi Mosfellsbæjar 2022-2040 sem er á vinnslustigi (forkynningarstigi)

Skipulagsnefnd Garðabæjar gerir ekki athugasemd við tillöguna á þessu stigi.

Ályktun um greiðar, vistvænar og öruggar samgöngur milli höfuðborgarsvæðis Suðurnesja lögð fram. Ályktunin er undirrituð þann 12.maí sl af formanni svæðisskipulagsnefndar höfuðborgarsvæðisins og formanni svæðisskipulagsnefndar Suðurnesja.

Skipulagsnefnd Garðabæjar tekur heilshugar undir ályktunina.