Vinátta – gengið frá Sjálandsskóla við Löngulínu - 5. september kl. 18 – taktu með þér vin!
Garðabær tekur þátt í verkefni Ferðafélags Íslands um lýðheilsugöngur í september. Vinátta er þema fyrstu göngunnar sem verður farin frá Sjálandsskóla við Löngulínu miðvikudaginn 5. september kl. 18.
Garðabær tekur þátt í verkefni Ferðafélags Íslands um lýðheilsugöngur í september. Alla miðvikudaga getur almenningur tekið þátt í lýðheilsugöngum um allt land. Þetta er annað árið í röð sem blásið er til þessa átaks en göngurnar eru um leið áframhald vinsælla sögu- og fræðslugangna Garðabæjar sem hafa verið farnar á undanförnum árum.
Göngurnar hefjast kl. 18:00 alla miðvikudaga í september og er fyrsta gangan miðvikudaginn 5. september.
Vinátta – gengið frá Sjálandsskóla við Löngulínu 5. september kl. 18 – taktu með þér vin!
Vinátta er þema fyrstu göngunnar sem verður farin frá Sjálandsskóla við Löngulínu miðvikudaginn 5. september kl. 18. Svandís Ríkharðsdóttir íþróttakennari leiðir göngufólk í hressingargöngu meðfram strandlengjunni og göngumenn fá tækifæri til að prófa nýja hreystigarðinn við Arnarnesvog.
Allir eru velkomnir í gönguna en tilgangurinn með verkefninu er að hvetja fólk á öllum aldri til útivistar og hreyfingar í góðum félagsskap og efla þar með heilsu sína og lífsgæði.
Miðvikudaginn 12. september verður svo haldið í hressingargöngu frá íþróttamiðstöðinni Ásgarði og m.a. staldrað við hjá nýjum hreystigarði við Sunnuflöt. Miðvikudaginn 19. september verður gengið í Heiðmörkinni frá nýju bílastæði við Búrfellsgjá/Selgjá. Síðasta gangan verður 26. september en þá verður gengið frá Bessastöðum að Skansinum.
Göngurnar eru um leið áframhald sögu- og fræðslugangna sem hafa verið í boði á þessu ári og undanförnu ári í Garðabæ og hafa verið vel sóttar af almenningi.
Allar upplýsingar um göngustaði og gönguleiðir annars staðar á landinu má finna á vef verkefnisins www.fi.is/lydheilsa