Foreldraspjall verður á fimmtudögum kl.10 í Bókasafni Garðabæjar á Garðatorgi í vetur. Í fyrsta spjalli haustsins kemur Anna Eðvaldsdóttir ljósmóðir og fjallar um bók sína Fyrstu mánuðirnir: ráðin hennar Önnu ljósu, sem er nýkomin út. Í bókinni er að finna ráð frá hinni þaulreyndu Önnu ljósu fyrir nýbakaða foreldra. Bókin er stútfull af gagnlegum upplýsingum um þegar barnið kemur í heiminn, brjóstagjöf, grátur, meltingu, líðan móður, veikindi barna og allt annað sem er mikilvægt að vita um fyrstu mánuðina í lífi barnsins. 

Boðað er til næsta fundar bæjarstjórnar Garðabæjar fimmtudaginn 20. september kl. 17 í Kirkjuhvoli