Heilsa og heilbrigði er lykillinn að góðum lífsgæðum. Garðabær leggur sig fram um að sinna jafnt líkamlegu og andlegu heilbrigði bæjarbúa. Heilbrigði snýr ekki bara að líkamlegri vellíðan heldur einnig andlegri og félagslegri. Sveitarfélagið tekur virkan þátt í verkefni Embættis landlæknis um Heilsueflandi samfélag og býður því bæjarbúum upp á ókeypis heilsufarsmælingu. Boðið verður upp á mælingu í íþróttamiðstöðinni í Ásgarði laugardaginn 2. febrúar frá kl. 10-13.

Í fjölskyldustund laugardaginn 2. febrúar kl.12 mun Þóranna Gunný Gunnarsdóttir stýra skemmtilegri sögu- og söngstund fyrir 2.-6. ára börn í Bókasafni Garðabæjar, Garðatorgi. Hún mun verða með líflegan upplestur og syngja og leika með börnunum. 

Miðasala á þorrablótið á Álftanesi fer fram laugardagana 26. janúar og 2. febrúar kl. 13-15.

Bókasafn Garðabæjar og Skema bjóða upp á ókeypis forritunarnámskeið laugardaginn 2. febrúar kl. 13-15.