Uppskeruhátíð Skapandi sumarstarfa
Uppskeruhátíð skapandi sumarstarfa í Garðabæ verður haldin fimmtudaginn 26. júlí, milli kl. 16-19 á Garðatorgi 1. Inngangur í sýningarsalinn er við hliðina á Hönnunarsafni Íslands.
Í sumar hafa 14 einstaklingar tekið þátt í skapandi sumarstörfum í Garðabæ.
Á uppskeruhátíðinni má sjá verk eftir þau öll: teikningar, myndbönd, ljósmyndir, málverk, ritlistarverk og fleira. Lifandi tónlist verður á svæðinu og léttar veitingar.
Aðgangur er ókeypis og bæjarbúar sem og aðrir eru velkomnir á hátíðina.
Upplýsingar um starfið má sjá á fésbókarsíðu Skapandi sumarstarfa.