Bál tímans og teikni-tímaflakk -FRESTAÐ
Bál tímans og teikni-tímaflakk í Bókasafni Garðabæjar laugardaginn 15. janúar kl. 13:00-15. -ATH. SMIÐJUNNI HEFUR VERIÐ FRESTAÐ
Bál tímans og teikni-tímaflakk í Bókasafni Garðabæjar laugardaginn 15. janúar kl. 13:00-15.
Ókeypis smiðja fyrir alla fjölskylduna.
Arndís Þórarinsdóttir, rithöfundur, les upp úr bók sinni Bál tímans sem fjallar um skinnhandritið Möðruvallabók. Bókin er æsispennandi tímaflakk en Möðruvallabók hefur lent í ýmsum svaðilförum bæði og á landi og í sjó. Arndís Þórarinsdóttir skrifar sögu Möðruvallabókar út frá ríkulegu ímyndunarafli þannig að atburðirnir lifna við í textanum, en einnig í fjörugum myndum Sigmundar B. Þorgeirssonar.
Eftir ævintýri Möðruvallabókar er boðið upp á teikni-tímaflakk með Íslenska myndasögusamfélaginu. Leiðbeint verður um hvernig á að glæða sögur lífi í gegnum myndir og þátttakendur hvattir til að skapa persónur sem lifa og ferðast í fortíð eða nútíð.
______________________
Smiðjan er hluti af verkefninu Við langeldinn/ við eldhúsborðið sem er styrkt af Barnamenningarsjóði.
Í fjölbreyttum smiðjum í Bókasafni Garðbæjar og á Hönnunarsafni Íslands munu börn og fjölskyldur þeirra fá tækifæri til að velta fyrir sér lífinu á landnámsöld í samanburði við líf okkar í dag.