Endurbætur Hafnarfjarðarvegar - Lyngássvæði - íbúafundur kl. 17:15
Endurbætur Hafnarfjarðarvegar frá Vífilsstaðavegi að Lyngási. Íbúafundur í Flataskóla miðvikudaginn 9. janúar kl. 17:15
Endurbætur Hafnarfjarðarvegar frá Vífilsstaðavegi að Lyngási
Skipulagsnefnd Garðabæjar hefur vísað tillögu Vegagerðarinnar að bráðabirgða endurbótum Hafnarfjarðarvegar á milli Vífilsstaðavegar og Lyngáss ásamt gatnamótum til forkynningar. Stefnt er að því að veita framkvæmdarleyfi að undangenginni grenndarkynningu sbr. 5. mgr. 13. gr. skipulagslaga nr. 123/2010.
Tillagan kallar á breytingar á aðliggjandi deiliskipulagssvæðum sem og nýja tillögu að deiliskipulagi. Hefur þeim einnig verið vísað til forkynningar í samræmi við 3. mgr. 40. gr. skipulagslaga nr. 123/2010.
Boðað er til íbúafundar í Flataskóla miðvikudaginn 9. janúar klukkan 17:15-19:00.
Þar verða tillögur kynntar og spurningum svarað.
Sjá nánari upplýsingar og gögn um tillögurnar um endurbætur Hafnarfjarðarvegar hér á vefnum.
Nánari upplýsingar um forkynningu á tillögu að deiliskipulagi Lyngássvæðis.