Kjörskrá Garðabæjar vegna kosninga til Alþingis
KJÖRSKRÁ GARÐABÆJAR
Kjörskrá vegna kosninga til Alþingis er fram eiga að fara 29. október 2016, liggur frammi almenningi til sýnis í þjónustuveri Garðabæjar í Ráðhúsinu við Garðatorg, frá og með 19. október 2016 til kjördags.
Á kjörskrá eru allir íslenskir ríkisborgarar sem náð hafa 18 ára aldri á kjördag og skráðir eru með lögheimili í sveitarfélaginu samkvæmt íbúaskrá 24. september 2016.
Íslendingar sem flutt hafa lögheimili sitt til útlanda eftir 1. desember 2007 og náð hafa 18 ára aldri á kjördag eru einnig á kjörskrá. Miða skal við síðasta skráða lögheimili hér á landi.
Íslendingar sem flutt hafa lögheimili sitt til útlanda fyrir 1. desember 2007 geta verið á kjörskrá enda hafi þeir sótt um það til Þjóðskrár Íslands eigi síðar en 29. september 2016. Miða skal við síðasta skráða lögheimili hér á landi.
Erlendir ríkisborgarar eiga ekki kosningarétt við alþingiskosningar og eru því ekki á kjörskrárstofni.
Athugasemdir við kjörskrá skulu berast bæjarstjórn, en leiðréttingar á kjörskrá má gera til kjördags.
Bæjarritari