8. sep. 2016

Auglýst eftir umsóknum í þróunarsjóð leikskóla

Garðabær auglýsir eftir umsóknum vegna úthlutunar úr þróunarsjóði leikskóla Garðabæjar. Þróunarsjóðnum er ætlað að stuðla að nýbreytni og framþróun í starfi leikskóla í Garðabæ. Einstaka leikskólakennarar, kennarahópar, aðrir fagaðilar sem starfa við leikskóla í Garðabæ, einn skóli eða fleiri skólar/fagaðilar í sameiningu, fræðslu og menningarsvið í samstarfi við leikskóla geta sótt um styrk í þróunarsjóð.

Heildarúthlutun ársins er 8 milljónir og þegar hefur verið úthlutað rúmum sex milljónum.

Áhersluþættir þróunarsjóðs leikskóla veturinn 2016-2017.

1. Læsi
2. Lýðræði og mannréttindi
3. Samskipta- og félagsfærni
4. Hreyfing og velferð
5. Sjálfbærni
6. Samvinna innan og á milli skóla og skólastiga.

Umsóknir skulu hafa borist fyrir 1. október og verður þeim svarað fyrir 31. október.

Frekari upplýsingar veitir:

Margrét Björk Svavarsdóttir, forstöðumaður fræðslu- og menningarsviðs 
sími: 5258500

 Reglur þróunarsjóðs og umsóknareyðublöð eru á vef Garðabæjar