Auglýsing um aðal- og deiliskipulagsbreytingar í Garðabæ
Bæjarstjórn Garðabæjar auglýsir hér með kynningu á eftirfarandi aðalskipulagsbreytingu í samræmi við 31.grein skipulagslaga nr.123/2010.
1. Aðalskipulag Garðabæjar 2004-2016. Tillaga að breytingu. Kauptún.
Tillagan nær til landnotkunarreitsins í Kauptúni sem er skilgreindur sem miðbæjarsvæði/verslunarkjarni. Tillagan gerir ráð fyrir því að heildar byggingarmagn svæðisins verði aukið úr 61.200 m2 í 80.000 m2 og að kröfur um bílastæði verði felldar út og þær ákvarðaðar í deiliskipulagi.
Tillagan er sett fram í greinargerð og á breytingaruppdrætti.
Kauptún - aðalskipulagsbreyting, greinargerð
Kauptún - aðalskipulagsbreyting, uppdráttur
Kauptún - aðalskipulagsbreyting, mat á áhrifum aukins byggingarmagns í kauptúni á umferð
Kauptún - aðalskipulagsbreyting, umferðargreining vegna bensínstöðvar í kauptúni
Bæjarstjórn Garðabæjar auglýsir hér með kynningu á breytingum eftirfarandi deiliskipulagsáætlana í samræmi við 1.mgr. 43.gr. skipulagslaga nr. 123/2010.
1. Kauptún. Tillaga að breytingu deiliskipulags Kauptúns, verslunar og þjónustusvæðis í Urriðaholti í Garðabæ.
Tillagan að breytingu deilskipulags nær til allra lóða í Kauptúni og gerir ráð fyrir breytingum á heildarbyggingarmagni hverfisins og ákvæðum um fjölda bílastæða á byggða fermetra. Gert er ráð fyrir breytingum á byggingareitum lóðanna nr. 1, 2 og 3 og heildarbyggingarmagni, stærð og hámarkshæð lóðar nr. 1. Notkun, byggingarmagn og stærð lóðar nr. 2 breytist úr lóð fyrir veitingastað í lóð fyrir fjölorkustöð/bensínstöð. Gert verður ráð fyrir nýrri lóð fyrir dælustöð OR við aðkomu í hverfið.
Deiliskipulagstillagan er sett fram á uppdrætti og í greinargerð. Henni fylgir áhættumat vegna bensínstöðvar á lóð nr. 2.
Kauptún - deiliskipulagsbreyting, greinagerð
Kauptún - deiliskipulagsbreyting, uppdráttur
Fylgigögn
Kauptún - deiliskipulagsbreyting, uppdráttur eftir breytingu
Kauptún - deiliskipulagsbreyting, greinagerð fyrir breytingu
Kauptún - deiliskipulagsbreyting, greinagerð eftir breytingu
Kauptún - deiliskipulagsbreyting, áhættumat vegna bensínsstöðvar Costco Kauptúni
Kauptún - deiliskipulagsbreyting, umferðargreining vegna bensínstöðvar í Kauptúni
2. Suðurhraun 6 og 10. Tillaga að breytingu á deiliskipulagi Molduhrauns.
Tillagan gerir ráð fyrir því því að lóðin Suðurhraun nr.10 stækki en lóðin Suðurhraun 6 minnki. Byggingarreitur lóðar nr. 10 stækkar verulega.
3. Brekkugata/Mosagata. Tillaga að breytingu á deiliskipulaginu Urriðaholt-Norðurhluti- 2. áfangi.
Tillagan gerir ráð fyrir því gatnamót færist til vesturs og að ein einbýlishúsalóð, Brekkugata nr. 8 fellur burt.
Brekkugata/Mosagata, dsk breyting
4. Mosagata 1-7. Tillaga að breytingu á deiliskipulaginu Urriðaholt-vesturhluti.
Tillagan gerir ráð fyrir því að viðmiðunarbyggingarmagn eykst um 293m2, hæðir hliðrast lítillega, opin bílskýli eru felld út, hæð er bætt ofan á austustu álmu um leið og niðurgrafin hæð er felld út.
5. Urriðaholtsstræti 6-8 og 10-12. Tillaga að breytingu á deiliskipulaginu Urriðaholt- viðskiptastræti.
Tillagan gerir ráð fyrir því að lóðin nr.6-8 stækkar til austurs um 691 m2 og lóðin nr.10-12 minnkar sem því nemur. Byggingarreitur lóðar nr.10-12 skerðist. Á þeim hluta lóðar sem bætist við lóð nr.6-8 verða 10 bílastæði.
Urriðaholtsstræti 6-12, fyrir deiliskipulagsbreytingu
Urriðaholtsstræti 6-12, eftir deiliskipulagsbreytingu
Tillögurnar liggja frammi á bæjarskrifstofum Garðabæjar, Garðatorgi 7, frá 1. febrúar 2016 til og með 14. mars 2016. Þær eru einnig aðgengilegar á heimasíðu Garðabæjar www.gardabaer.is.
Þeim sem telja sig eiga hagsmuna að gæta er gefinn kostur á að gera athugasemdir við tillögurnar. Frestur til þess að skila inn athugasemdum rennur út mánudaginn 14. mars 2016.
Skila skal athugasemdum á bæjarskrifstofur Garðabæjar og skulu þær vera skriflegar og undirritaðar. Þeir sem ekki gera athugasemdir við tillögurnar fyrir tilskilinn frest teljast samþykkir þeim.
Arinbjörn Vilhjálmsson
skipulagsstjóri Garðabæjar