Bjarnastaðir - aðstaða fyrir félög/félagasamtök
Bjarnastaðir, Álftanesi – Menningar- og náttúrufræðahús
Aðstaða fyrir félög/félagasamtök
Menningar- og safnanefnd Garðabæjar auglýsir hér með eftir umsóknum félaga/félagasamtaka í Garðabæ um afnot af húsnæði á Bjarnastöðum, Álftanesi fyrir skrifstofur, varðveislu skjala, fundarhöld, viðburði og alls kyns menningar- og náttúrufræðastarf sem húsnæðinu hæfir.
Í umsókn skal tilgreina óskir um umfang afnota og tímalengd. Umsókn skal fylgja lýsing á afnotum og þörf á búnaði, s.s. húsgögnum, læstum skápum, netaðgengi o.fl.
Til greina kemur að semja við félög/félagassamtök í bænum um afnot af húsnæðinu til lengri og/eða skemmri tíma, allt eftir þörfum hvers og eins félags.
Umsóknarfrestur hefur verið framlengdur til og með 12. janúar 2015. Umsóknir skal senda á netfang Garðabæjar, gardabaer@gardabaer.is.
Húsnæðið var til sýnis umsækjendum og öðrum sem þess óskuðu mánudaginn 24. nóvember 2014 frá kl. 17:00 til 19:00. Umsóknum verður svarað fyrir lok febrúar 2015. Menningar- og safnanefnd áskilur sér rétt til að hafna umsóknum sem ekki henta starfsemi í húsinu að mati nefndarinnar.
Upplýsingar veitir Hulda Hauksdóttir, upplýsinga- og menningarfulltrúi, netfang hulda@gardabaer.is, s. 525 8500.
Menningar- og safnanefnd Garðabæjar
Teikningar af Bjarnastöðum - grunnmyndir (pdf-skjal)
Teikningar af Bjarnastöðum - sneiðingar (pdf-skjal)
Teikningar af Bjarnastöðum - útlit 1 (pdf-skjal)
Teikningar af Bjarnastöðum - útlit 2 (pdf-skjal)