Tillaga að deiliskipulagi á Álftanesi, Kirkjubrú 1 - forkynning
TILLAGA AÐ DEILISKIPULAGI Á ÁLFTANESI. KIRKJUBRÚ 1
FORKYNNING
Í samræmi við 4. mgr. 40. greinar skipulagslaga nr. 123 2010 auglýsir Garðabær hér með forkynningu á tillögu að deiliskipulagi Kirkjubrúar 1 sem nær til svæðisins sunnan við íbúðarbyggð við Tjarnarbrekku. Tillagan er í samræmi við aðalskipulag Álftaness 2005-2024.
Tillagan gerir ráð fyrir því að heimilt verði að reisa 14 einbýlishús og 6 parhús, alls 26 íbúðareiningar á svæðinu. Allar byggingar verði einnar hæðar. Aðkoma verður frá Tjarnarbrekku.
Almennur kynningarfundur verður haldinn í Álftanesskóla mánudaginn 25.nóvember og hefst hann klukkan 17:30.
Á fundinum mun tillagan verða kynnt, opnað fyrir umræður og spurningum svarað.
Forkynning stendur yfir til 6.desember nk. Á meðan á forkynningu stendur er hægt að koma ábendingum til skipulagsstjóra sem einnig mun svara fyrirspurnum um útfærslu tillögunnar.
Öllum ábendingum verður komið á framfæri við skipulagsnefnd og bæjarstjórn en vakin er athygli á því að þær teljast ekki formlegar athugasemdir. Að lokinni forkynningu verður tillagan lögð fram í skipulagsnefnd þar sem farið verður yfir ábendingar sem kunna að berast.
Þegar bæjarstjórn hefur að tillögu skipulagsnefndar samþykkt að auglýsa kynningu á tillögu að deiliskipulagi verður það gert með áberandi hætti og gefst þá tækifæri til að gera formlegar athugasemdir við tillöguna.
Tillagan er aðgengileg hér á heimasíðu Garðabæjar og í þjónustuveri Garðabæjar frá 20. nóvember til 6. desember 2013.
Arinbjörn Vilhjálmsson
skipulagsstjóri Garðabæjar
Kirkjubrú 1, dsk tillaga, greinargerð, forkynning