Skóflustunga við nýjan miðbæ
Framkvæmdir við nýjan miðbæ í Garðabæ hefjast að nýju þriðjudaginn 11. júní kl. 14 þegar fyrsta skóflustungan að bílakjallara á torginu verður tekin á Garðatorgi. Verslunin Víðir býður upp á veitingar í göngugötunni fyrir gesti og gangandi í tilefni dagsins að lokinni skóflustungu. Allir velkomnir.
Upplýsingar um framkvæmdir við nýjan miðbæ.
Því miður fylgir jafn viðamiklum framkvæmdum þó nokkuð rask sem mun snerta fyrirtæki, stofnanir og íbúa í miðbænum. Í fyrsta áfanga er nauðsynlegt að girða af nokkurn hluta bílastæða á Garðatorgi og jafnframt má búast við ónæði meðan á jarðvinnu stendur.
Ábendingum og fyrirspurnum er einnig hægt að beina til þjónustuvers Garðabæjar,
Garðatorgi 7, í síma 525 8500 eða netfangið: gardabaer@gardabaer.is
Með ósk um góða samvinnu um nýjan
miðbæ Garðabæjar.