Rúna K. Tetzschner er listamaður mánaðarins á Bókasafni Garðabæjar í desember. Rúna tekur á móti gestum og gangandi fimmtudaginn 2. desember klukkan 17. Sýningin stendur yfir í desember og er opin á afreiðslutíma bókasafnsins Garðatorgi 7.

Næsti fundur bæjarstjórnar verður fimmtudaginn 2. desember kl. 17. Fundurinn er haldinn með fjarfundarbúnaði og verður í beinni útsendingu á vef Garðabæjar

Einstök jólasögu - og söngvastund með Þórönnu Gunný Gunnarsdóttur, söngkonu, verður á Bókasafni Garðabæjar laugardaginn 4. desember klukkan 13:00.

Fræðumst um jólin og búum til eigin jólapappír! Fróðleiks og hönnunarsmiðja með þjóðfræðingnum Dagrúnu Jónsdóttur og handverkskonunni og hönnuðinum Ásgerði Heimisdóttir sem kennir gestum að búa til jólapappír.

Klassíski leshringurinn hittist annan hvern þriðjudag kl. 10:30 undir stjórn Rósu Þóru Magnúsdóttur. 

Kristinn Sigmundsson gleður gesti á hádegistónleikum í safnaðarheimili Vídalínskirkju (ath. breytt staðsetning). Með Kristni leikur Matthildur Anna Gísladóttir á píanó. Kristinn hefur sett saman fjölbreytta dagskrá og svo sem flestir geti notið þarf að sýna neikvæða niðurstöðu úr hraðprófi. Aðgangur er ókeypis, grímuskylda og neikvætt hraðpróf nauðsynlegt.

Jólaskógur í Smalaholti laugardaginn 11. desember kl. 11:30–15:30.

Hin ástsæla söngkona og rithöfundur Birgitta Haukdal kemur á Bókasafn Garðabæjar laugardaginn 11. desember kl. 13:00 og les upp úr nýjustu bókunum sínum um þau Láru og Ljónsa.

Eygló Björg Helgadóttir, hjúkrunarfræðingur, kemur og spjallar við áhugasama um andlega heilsu foreldra í barneignarferlinu á Bókasafni Garðabæjar fimmtudaginn 16. desember kl. 10:30.

Næsti fundur bæjarstjórnar Garðabæjar er haldinn fimmtudaginn 7. október kl. 17 í Sveinatungu. Fundurinn er jafnframt í beinni útsendingu á vef Garðabæjar.

Fatahönnuðurinn og meistara útsaumarinn Sunna Örlygdóttir hefur dvalið í Hönnunarsafni Íslands í vinnustofudvöl undanfarnar vikur.

Lauflétti leshringurinn kl. 18:00 í Bókasafni Garðabæjar. Bók til umfjöllunar 21.desember verður auglýst síðar.

Camerarctica heldur sína árlegu kertaljósatónleika í kirkjum nú rétt fyrir jólin og verða tónleikarnir í Garðakirkju þriðjudagskvöldið 21. des kl. 21.00.

Á fundi framkvæmdaráðs almannavarnanefndar höfuðborgarsvæðisins föstudaginn 17. desember sk,, var tekin ákvörðun um að fella niður áramótabrennur á höfuðborgarsvæðinu um komandi áramót.

Flugeldasýning hjálparsveitar skáta í Garðabæ verður haldin á gamlárskvöld kl. 21:15 við Arnarnesvoginn og ætti að sjást víða að þannig að íbúar geti notið hennar úr fjarlægð heiman frá eða útivið á göngustígum án þess að safnast saman.