Fatahönnunarsmiðja á Barnamenningarhátíð í Garðabæ
Fatahönnunarsmiðja fyrir alla fjölskylduna með Stefáni Svan og Ninnu.
Fatahönnunarsmiðja þar sem fjölskyldan getur skapað fatalínu í sameiningu með sínum persónulegu áherslum. Efnisbar með ótal fallegum og áhugaverðum efnum er á staðnum, skæri og lím. Smiðjuna leiða fatahönnuðurinn Stefán Svan og barnamenningarhönnuðurinn Ninna Þórarinsdóttir en þau hafa tekið á móti öllum 4. bekkingum í sambærilegum smiðjum á vorönn.