Foreldranámskeið
Fræðslu- og frístundasvið og velferðarsvið Garðabæjar bjóða upp á námskeið fyrir foreldra sem vilja auka færni sína til að takast á við uppeldishlutverkið.
Á námskeiðinu munu reynslumiklir uppeldisráðgjafar gefa gagnleg ráð og kenna aðferðir til að draga úr vægum hegðunarvanda, auka samstarfsvilja og ýta undir færni barnsins til að takast á við daglegt líf.
Boðið verður upp á notalega kvöldstund þar sem foreldrum gefst tækifæri til þess að auka færni sína og læra nýjar uppeldisaðferðir.Námskeiðið er um tvær klukkustundir og er haldið 12. mars klukkan 19:30, í Sveinatungu á Garðatorgi.
Skráning fer fram hérna: https://forms.office.com/e/cjbVztXryW
Þátttökugjald er 2.500 kr. fyrir fjölskyldu, greiðsluseðill verður sendur út við skráningu.
Frekari upplýsingar má nálgast hjá Garðabæ í síma 525-8500