Hvað leynist í lauginni þinni? Fjölskyldusmiðja
Sunnudaginn 4. september kl. 13 leiðir Rán Flygenring fjölskyldusmiðjuna Hvað leynist í lauginni þinni? í Hönnunarsafni Íslands á Garðatorgi.
Sunnudaginn 4. september kl. 13 leiðir Rán Flygenring fjölskyldusmiðjuna Hvað leynist í lauginni þinni? í Hönnunarsafni Íslands á Garðatorgi.
Smiðjan er í tengslum við sýninguna SUND sem nú stendur yfir í safninu. Sundlaugar verða hannaðar og útfærðar undir handleiðslu Ránar og sundgarpar og annað sem gæti leynst í sundlaugum föndrað. Slíkar smiðjur slógu í gegn meðal skólabarna á vorönn og nú fá börn og fjölskyldur tækifæri til að gera sína eigin sundlaug.
Þáttaka í sundlaugasmiðjunni er ókeypis. Fyrsta sunnudag í mánuði hverjum fer fram fjölskyldusmiðja í Hönnunarsafninu þar sem ýmiskonar handverk og hönnun er kennt af fagfólki á sínu sviði.