Íbúakynning - smíði undirganga undir Arnarneshæð
Garðabær og Vegagerðin bjóða til íbúakynningar, vegna fyrirhugaðrar framkvæmdar við smíði undirganga undir Arnarneshæð.
Kynningarfundurinn fer fram í beinni útsendingu á fésbókarsíðu Garðabæjar þriðjudaginn 8. febrúar nk. kl.17:00. Þeir sem fylgjast með fundinum í beinni útsendingu geta sent inn spurningar á fésbókarsíðunni á meðan á fundinum stendur.
Fulltrúar hönnunarteymis, Vegagerðarinnar og Garðabæjar kynna framkvæmdina og geta svarað fyrirspurnum íbúa
Viðburður - útsending á fésbókarsíðu Garðabæjar.
Undirgöng undir Arnarneshæð
Verkið verður boðið út af Vegagerðinni og Garðabæ um miðjan febrúar og er hluti af Samgöngusáttmálanum. Hönnun er í höndum VSB verkfræðistofu, Landslagi og Úti Inni arkitektum. Gert er ráð fyrir því að framkvæmdir hefjist í apríl og verði lokið í desember.
Skýringarmynd - undirgöng undir Arnarneshæð
