Lýðheilsuganga-Söguganga-NÁTTÚRA- Urriðakotshraun-Vífilsstaðahlíð
Náttúra er þema fyrstu göngunnar þar sem gengið verður í Heiðmörk miðvikudaginn 4. september kl. 18. Mæting er við bílastæði við Maríuvelli
Garðabær tekur þátt í verkefni Ferðafélags Íslands um lýðheilsugöngur í september. Alla miðvikudaga getur almenningur tekið þátt í lýðheilsugöngum um allt land. Þetta er þriðja árið í röð sem blásið er til þessa átaks en göngurnar eru um leið áframhald vinsælla sögu- og fræðslugangna Garðabæjar sem hafa verið farnar á undanförnum árum.
Göngurnar hefjast kl. 18:00 alla miðvikudaga vítt og breitt um landið og er fyrsta gangan miðvikudaginn 4. september. Um er að ræða fjölskylduvænar göngur sem eru uþb 60-90 mínútur að lengd. Tilgangurinn með verkefninu er að hvetja fólk á öllum aldri til útivistar og hreyfingar í góðum félagsskap og efla þar með heilsu sína og lífsgæði.
Boðið verður upp á göngur í Garðabæ miðvikudagana 4., 11., 18. og 25. september.
Ganga miðvikudag 4. september kl. 18
Náttúra er þema fyrstu göngunnar þar sem gengið verður í Heiðmörk miðvikudaginn 4. september kl. 18. Mæting er við bílastæði við Maríuvelli þar sem Erla Bil Bjarnardóttir leiðir göngu upp eftir Urriðakotshrauni og niður með Vífilsstaðahlíð aftur á Maríuvelli.
Viðburður á facebook
Bílaplanið við Maríuvelli er við Elliðvatnsveg, keyrt fram hjá Vífilsstaðavatni, rétt áður en komið er inn á Heiðmerkurveg. Bílaplanið verður merkt með fánaborg, sjá líka mynd.
- Miðvikudaginn 11. september verður haldið í hressingargöngu frá íþróttamiðstöðinni Ásgarði með viðkomu í nýja Bæjargarðinum.
- Miðvikudaginn 18. september verður gengið á Álftanesi frá Kasthúsatjörn meðfram sjónum og umhverfis Bessastaðatjörn og sú ganga er einnig í samvinnu við SÍBS, Vesen og vergang og Wapp leiðsöguappið.
- Miðvikudaginn 25. september verður gengið frá Garðakirkju um Garðahverfi með viðkomu m.a. í burstabænum Króki.
Garðbæingar eru hvattir til að taka þátt í göngunum þar sem boðið verður upp á fróðleik, auðvelda hreyfingu og umfram allt góðan félagsskap göngumanna.