Opnunarhátíð Sumarlesturs - dr Bæk mætir
Opnunarhátíð Sumarlesturs verður haldin laugardaginn 30.maí, kl.12-14 í Bókasafni Garðabæjar, Garðatorgi 7.
Á opnunarhátíðinni hefst skráning í Sumarlestur bókasafnsins, lestrardagbækur verða afhentar og Dr.Bæk mætir á torgið og yfirfer hjólin. Börn á grunnskólaaldri og yngri börn sem eru farin að lesa sjálf geta tekið þátt í sumarlestrarátakinu.
Hægt er að skrá sig allt sumarið og leyfilegt er að lesa hvað sem er. Á föstudögum verður lestrarhestur vikunnar dreginn úr umsagnarmiðunum sem þátttakendur fylla út og fær hann bók í verðlaun. Uppskeruhátíð sumarlestursins verður haldin laugardaginn 22.ágúst í bókasafninu á Garðatorgi.
Þá verða þrír duglegir lestrarhestar dregnir úr lukkukassanum og allir virkir þátttakendur fá verðlaun. Lesum saman í sumar!
Viðburður á fésbókarsíðu Garðabæjar.