Rökkvan listahátíð á Garðatorgi
Listahátíðin Rökkvan verður haldin í fyrsta sinn föstudaginn 28. október nk. kl. 19-22:30 á Garðatorgi 1-4. Hátíðina skipuleggja 6 ungir listamenn í samstarfi við menningarfulltrúa Garðabæjar. Garðatorg verður fullt af lífi, fjöri og list en hátíðin er ætluð öllum aldurshópum!
Listamarkaður ungs listafólks hefst kl. 19 og einnig myndlistarsýning Grósku í Gróskusal. Þá opnar ný sýning í Hönnunarsafni Íslands, Dieter Roth: Grafísk verk á Pallinum en tónlistarmennirnir Kusk og Óviti koma fram kl. 18:20 í anddyri safnsins.
Tacoson verður með tacovagninn sinn á staðnum til að seðja svanga gesti en einnig verður tilboð á Rökkvupizzu á Flatey. Lionsmenn munu selja tónleikagestum drykki.
Klukkan 19 hefst tónlistardagskrá á sviðinu í glerbyggingunni á Garðatorgi 4 en dagskránni lýkur með Stuðmönnum sem stíga á svið kl. 21.
Dagskráin á sviðinu:
- Kl. 19:00 Stórsveit Tónlistarskóla Garðabæjar
- Kl. 19:30 Spagló & Eik
- Kl. 20:00 Sigga Ózk
- Kl. 20:30 Rökkvubandið
- Kl. 21:00 Stuðmenn
Það er menningar- og safnanefnd Garðabæjar sem stendur að hátíðinni.