Safnanótt í Garðabæ
Safnanótt fer fram föstudaginn 7. febrúar 2020. Margir skemmtilegir viðburðir verða í boði á söfnum bæjarins líkt og fyrri ár.
Föstudagur 7. febrúar 2020
HÖNNUNARSAFN ÍSLANDS, GARÐATORGI 1 OPIÐ KL. 18:00-23:00
Sýningarnar: Sveinn Kjarval ,,Það skal vanda sem lengi á að standa“, Anna María Pitt ,,silfursmiður í vinnustofudvöl“. Ókeypis aðgangur.
Kl. 18:00-19:00 Fyrirlestur í Sveinatungu: Sveinn Kjarval, andinn býr í innréttingunum
Dr. Arndís S. Árnadóttir flytur fyrirlestur um innréttingar Sveins Kjarvals. Fyrirlesturinn fer fram í Sveinatungu, nýjum fundar- og fyrirlestrasal Garðabæjar, við Garðatorg 7.
Kl. 20:00-21:00 Fyrirlestur í Hönnunarsafninu: Rekaviður, um ferðalög hugmyndanna
Guðmundur Oddur Magnússon, rannsóknarprófessor við LHÍ, flytur fyrirlestur í tengslum við rannsóknarverkefnið, íslensk myndmálssaga, sem nú hefur aðsetur í Hönnunarsafni Íslands.
Kl. 21:00-21:30 Lifandi jazz hjá Sveini Kjarval
Boðið upp á lifandi jazz í sýningarsal safnsins. Þetta verður góður fílingur.
BESSASTAÐIR, OPIÐ HÚS KL. 19:00-22:00
Gestum býðst að skoða Bessastaðastofu og kirkjuna. Auk hinna merku steinhúsa frá 18. öld geta gestir virt fyrir sér sýnishorn gjafa, sem forseta hafa borist og fornleifar sem veita innsýn í búsetu á Bessastöðum frá landnámstíð. Fyrsti forsetabíll lýðveldissögunnar, Packard bifreið Sveins Björnssonar árgerð 1942, mun standa í hlaði Bessastaða.
BURSTABÆRINN KRÓKUR, OPIÐ HÚS KL. 18:00-23:00
Krókur á Garðaholti er lítill bárujárnsklæddur burstabær sem var endurbyggður úr torfbæ árið 1923. Ratleikir fyrir börn, leiðsögn um húsið. Bílastæði við samkomuhúsið á Garðaholti.
BÓKASAFN GARÐABÆJAR, GARÐATORGI 7, OPIÐ HÚS KL. 18:00-23:00
Kl. 17:00 Sýningaropnun og móttaka Gunnar Júlíusson myndlistarmaður
Kl. 18:00-22:00 Fjölskylduratleikur bókasafnsins Dregið úr réttum lausnum kl. 20, 21, 22 og 22:30
Kl. 19:00 Skólakór Sjálandsskóla syngur fyrir gesti og gangandi undir stjórn Ólafs Schram
Kl. 19:00-21:00 Krakkaforritun – forritunarsmiðja fyrir 6 ára og eldri þar sem eru notaðar perlur til þess að læra tvíundakóðun
Kl. 19:00-22:45 Bíómyndin ,,Gone with the Wind“ – sýnd í salnum Sveinatungu á Garðatorgi 7
Kl. 20:00-22:00 Spákona, tímapantanir á staðnum frá kl. 18
Kl. 20:00-22:00 Silent diskó – einstök leið til að upplifa tónlist þar sem dansað er við tónlist í gegnum þráðlaus heyrnartól. Komið og dansið á bókasafninu!