Samgönguvika - Veljum grænu leiðina
Evrópsk SAMGÖNGUVIKA verður haldin dagana 16.-22. september 2020. Þriðjudaginn 22. september kl. 17 verður kynningarfjarfundur um umferðaröryggismál í Garðabæ.
Evrópsk SAMGÖNGUVIKA verður haldin dagana 16.-22. september 2020. Samgönguvika er evrópskt átak um bættar samgöngur í borgum og bæjum. Í ár er yfirskrift samgönguvikunnar ,,Veljum grænu leiðina".
Garðabær tekur þátt í samgönguvikunni ásamt sveitarfélögum víðs vegar um allt land.
Fésbókarsíða SAMGÖNGUVIKU.
Vissir þú að:
- Á kortavef Garðabæjar sem er aðgengilegur á gardabaer.is er m.a. hægt að sjá göngustíga og útivistarstíga í bæjarlandinu.
- Í Wapp-leiðsagnarappinu má finna fjölmargar skemmtilegar göngu- og hjólaleiðir í Garðabæ sem eru ókeypis í boði Garðabæjar.
- Í Lundahverfi (norðan við leikskólann Lundaból) er nýleg hjólabraut sem hentar vel fyrir byrjendur sem og lengri komna. Tilvalið fyrir fjölskylduna að prófa brautina saman.
- Við Garðatorg, Ásgarðslaug og Álftaneslaug má finna viðgerðarstanda fyrir reiðhjól.
- Bíllausi dagurinn er haldinn sunnudaginn 20. september. Notum aðra ferðamáta en einkabílinn.
Íbúafundur um umferðaröryggismál í Garðabæ
Þriðjudaginn 22. september kl. 17:00 verður kynningar-fjarfundur um umferðaröryggismál í Garðabæ.
Fundurinn verður í beinni útsendingu á fésbókarsíðu Garðabæjar.
- Markmiðið með fundinum er að gefa íbúum innsýn í vinnu við gerð nýrrar umferðaröryggisáætlunar Garðabæjar. Íbúar fá tækifæri til að senda inn spurningar og ábendingar á meðan á fundinum stendur.
- Umferðaröryggi snýst að miklu leyti um hegðun íbúa í umferðinni en einnig um gatnakerfi, hraðatakmarkandi aðgerðir og ferðavenjur.
- Kynntur verður ábendingavefur sem verður opinn fram í miðjan október þar sem hægt verður að senda inn ábendingar um varasama staði og hindranir í gatnakerfi, göngu- og hjólastígum. Virk þátttaka íbúa skiptir máli og ábendingar íbúa eru mikilvægur grundvöllur fyrir bætt umferðaröryggi.
Verið velkomin að fylgjast með fjarfundinum og taka þátt.