Sundlauganótt í Garðabæ
Sundlauganótt 2020 fer fram sunnudaginn 9. febrúar 2020. Skemmtileg dagskrá verður í boði á Álftaneslaug.
Sunnudagur 9. febrúar 2020
Álftaneslaug, við Breiðumýri
Ókeypis aðgangur kl. 17:00-22:00
Kl. 17:00-19:00 Dótasund í innilauginni
Yngstu kynslóðinni gefst kostur á að koma með smádót til að leika með í barnalauginni.
Kl. 19:00–19:20 Öldudiskó
Sundlaugardiskó í öldulauginni þar sem allir komast í gott stuð.
Kl. 20:00-20:30 Hipsumhaps
Hipsumhaps sló í gegn undir lok síðasta árs með plötunni ,,Best geymdu leyndarmálin“. Hljómsveitin á rætur að rekja á Álftanes.
Kl. 20:30-21:00 Aqua Zumba – sundlaugarpartý
Hressileg dansspor og líkamsrækt í vatni fyrir alla aldurshópa. Aqua Zumba öðru nafni Zumba sundlaugarpartý gefur hressilegri líkamsþjálfum nýja merkingu. Gusugangur, teygjur, snúningar, hróp, flaut, hlátur og köll fylgja oft Aqua Zumba tímum.
Kl. 21:00-21:30 Flot og jóga í boði Yogahússins í innilauginni
Kl. 21:30-22:00 Róleg stemning
Tónlist og notaleg lýsing í sundlauginni fyrir sundlaugargesti.
Verið velkomin í sund!
Öll dagskrá Vetrarhátíðar er á vef Vetrarhátíðar.
Sundlaugar Garðabæjar í samstarfi við menningar- og safnanefnd Garðabæjar.