Tónlistarnæring - Þóra Einarsdóttir syngur á hádegistónleikum
Miðvikudaginn 7. september kl. 12:15 kemur Þóra Einarsdóttir sópran fram á hádegistónleikum í sal Tónlistarskóla Garðabæjar að Kirkjulundi.
Þóra syngur sönglög Páls Ísólfssonar á ókeypis tónleikum í Garðabæ.
Þóra ríður á vaðið í haustdagskrá tónleikaraðarinnar Tónlistarnæring, sem fer fram fyrsta miðvikudag í mánuði.
Með Þóru leikur sænski konsertpíanistinn Katarina Ström-Harg en þær munu flytja sönglög eftir Pál Ísólfsson og kennara hans Max Reger.
Aðgangur er ókeypis. Listrænn stjórnandi Tónlistarnæringar er Ólöf Breiðfjörð, menningarfulltrúi Garðabæjar og tónleikarnir eru á vegum menningar-og safnanefndar í samstarfi við Tónlistarskóla Garðabæjar.