Ullarkórónur - Fjölskyldusmiðja með Judith Amalíu
Fjölskyldusmiðja þar sem þátttakendur búa til ullarkórónur.
Judith Amalía Jóhannsdóttir er textílhönnuður og handavinnukennari í Reykjavík. Hún lærði búningahönnun við Brera akademíuna í Mílanó og lauk námi í textílhönnun við Myndlistarskólann í Reykjavík. Frá 2022 hefur hún starfað sem textílkennari við Grandaskóla og sent frá sér kennslumyndbönd um handavinnu. Judith Amalía sinnir spuna og vefnaði og hefur sérstakan áhuga á möguleikum íslensku ullarinnar.
Judith sýnir ullarverk sín á Pallinum á Hönnunarsafni Íslands í vetur.
Smiðjan er hluti af fjölskyldudagskrá Hönnunarsafns Íslands sem fer fram fyrsta sunnudag hvers mánaðar í fræðslurými safnsins á 2. hæð. Aðgangur er ókeypis og opinn öllum.