Álftanes: Lágur þrýstingur á heita vatninu
Vegna tenginga fyrir hitaveitulögn við Bæjarhraun í Hafnarfirði verður lágur þrýstingur á heita vatninu á Álftanesi mán 10. nóvember 08:00 - 19:00.
Ástæðan er sú að til að tengja þarf að taka vatnið af hitaveitulögninni sem alla jafna flytur heita vatnið á Álftanes.Til að ekki verði heitavatnslaust er önnur lögn tengd, en hún er minni og getur því ekki flutt jafn mikið vatn á svæðið.
Það er ekki búist við því að heitavatnslaust verði í húsunum, en gera má ráð fyrir að einstaka hús fái mjög lágan þrýsting.
Fólki er bent á að hafa skrúfað fyrir alla heitavatnskrana til að draga úr hættu á slysi eða tjóni þegar þrýstingur eykst að nýju. Húseigendum er bent á að huga að innanhússkerfum, t.d. gólfhitakerfum.
Veitur biðjast velvirðingar á þeim óþægindum sem þetta kann að valda.