Framkvæmdir við Holtsveg
Mánudaginn 26. júlí nk. verður Holtsvegur lokaður að hluta vegna framkvæmda. Hjáleið um Lynggötu.
-
Lokun við Holtsveg í Urriðaholti - mánudaginn 26. júlí. Rautt er lokaður kafli, græn lína sýnir hjáleið um Lynggötu.
Um er að ræða framkvæmdir við vatnstengingu við Urriðaholtsstræti 2-4 og vegna þess þarf að rjúfa Holtsveg og beina umferð um hjáleið um Lynggötu. Framkvæmdir hefjast kl. 08 að morgni og verklok eru fyrirhuguð kl. 20 um kvöldið á mánudaginn.
Vegfarendur eru beðnir um að sýna aðgát og fylgja merkingum. Á meðfylgjandi mynd með frétt má sjá rauðmerkt þann hluta Holtsvegar sem verður lokaður og grænmerkt sýnir hjáleið um Lynggötu.