Skipulag í kynningu
Hér má nálgast þau skipulagsmál sem eru í kynningu hjá Garðabæ. Hagsmunaaðilar eru hvattir til að kynna sér málin.
Bæjargarður
Tillaga að breytingu deiliskipulags
Bæjarstjórn Garðabæjar auglýsir hér með tillögu á eftirfarandi deiliskipulagsáætlun í samræmi við 1. mgr. 41. gr. og 1. mgr. 43. gr. skipulagslaga nr. 123/2010.
Bæjargarður. Tillaga að breytingun deiliskipulags.
Tillagan gerir ráð fyrir göngu-og hjólreiðastíg í hrauninu sunnan Hraunhóla sem tengist stígakerfi við Fjarðarhraun. Sá stígur tengist göngu-og hjólreiðastíg sem tillaga að deiliskipulagi fólkvangsins Garðahraun efra gerir ráð fyrir frá núverandi stíg þvert yfir fólkvanginn. Tillagan gerir einnig ráð fyrir 2 m háum girðingum umhverfis gervigrasvöll í Bæjargarði.
Tillagan liggur frammi á bæjarskrifstofum Garðabæjar, Garðatorgi 7, frá 22.maí 2019 til og með 3. júlí 2019. Hún er einnig aðgengileg á heimasíðu Garðabæjar www.gardabaer.is.
Þeim sem telja sig eiga hagsmuna að gæta er gefinn kostur á að senda inn athugasemdir við tillöguna á netfangið skipulag@gardabaer.is eða í þjónustuver Garðabæjar, Garðatorgi 7, 210 Garðabæ, og skulu þær vera skriflegar. Frestur til þess að skila inn athugasemdum rennur út miðvikudaginn 3. júlí 2019.
Arinbjörn Vilhjálmsson
skipulagsstjóri Garðabæjar