Skipulag í kynningu
Hér má nálgast þau skipulagsmál sem eru í kynningu hjá Garðabæ. Hagsmunaaðilar eru hvattir til að kynna sér málin.
Þorraholt. Deiliskipulag Hnoðraholts norður
Tillaga að breytingu á deiliskipulagi Hnoðraholts norður
Þorraholt, tillaga að breytingu á deiliskipulagi Hnoðraholts norður.
Í samræmi við 1.mgr.43.gr. og 1.mgr. 41.gr. skipulagslaga nr.123/2010 auglýsir Garðabær hér með tillögu að breytingu á deiliskipulagi Hnoðraholts norður sem nær til íbúðarbyggðar í Þorraholti sem mun rísa norðan við núverandi byggð í Hnoðraholti.
Tillagan gerir ráð fyrir breytingu á byggingarreitum sem hafa það að markmiði að bæta búsetugæði íbúðanna. Byggingarmagn breytist ekki en fjöldi íbúða getur orðið á bilinu 180-220 í stað 200 áður. Fallið er frá verkefnislýsingu og forkynningu í samræmi við 40.gr. skipulagslaga nr.123/2010 þar sem allar forsendur eru til staðar í aðalskipulagi sem er sett fram sem rammahluti.
Tillögurnar er aðgengilegar á vef Garðabæjar, www.gardabaer.is, og í þjónustuveri.
Þeir sem telja sig eiga hagsmuna að gæta er gefinn kostur á að senda inn skriflegar athugasemdir til og með 19.01.2022 annað hvort á netfangið skipulag@gardabaer.is eða á bæjarskrifstofu Garðabæjar, Garðatorgi 7, 210 Garðabæ.