Skipulag í kynningu
Hér má nálgast þau skipulagsmál sem eru í kynningu hjá Garðabæ. Hagsmunaaðilar eru hvattir til að kynna sér málin.
Tillaga að breytingu á Aðalskipulagi Garðabæjar 2016-2030 - rammahluti Vífilsstaðaland. Íbúðarbyggð í Hnoðraholti.
Bæjarstjórn Garðabæjar auglýsir hér með tillögu að breytingu á Aðalskipulagi Garðabæjar 2016-2030, rammahluti Vífilsstaðaland, íbúðabyggð Hnoðraholti í samræmi við 31. gr. skipulagslaga, sbr. 1. mgr. 36. gr. skipulagslaga nr. 123/2010.
Tillagan gerir ráð fyrir því að hámarkshæð bygginga á landnotkunarreitum íbúðarbyggðar í Hnoðraholti hækki úr 4 hæðum í 5 hæðir á reit Íb 4.11 Hnoðraholt vestur (Þorraholt) og úr 3 hæðum í 4 hæðir á reit Íb 4.12. Hnoðraholt norður.
Einnig eru uppfærðar töflur sem sýna áætlað byggingarmagn íbúðarbyggðar sem rammahluti Vífilsstaðalands nær til.
- TILLAGA AÐ BREYTINGU Á AÐALSKIPULAGI GARÐABÆJAR 2016-2030
- Skýringarmyndir
Tillagan er aðgengileg á vef Garðabæjar, www.gardabaer.is og í þjónustuveri. Þeir sem telja sig eiga hagsmuna að gæta er gefinn kostur á að senda inn skriflegar athugasemdir til og með 11. september 2023, annað hvort á netfangið skipulag@gardabaer.is eða á bæjarskrifstofu Garðabæjar, Garðatorgi 7, 210 Garðabæ.