Hér má nálgast þau skipulagsmál sem eru í kynningu hjá Garðabæ. Hagsmunaaðilar eru hvattir til að kynna sér málin.
Athugasemdum eða ábendingum við kynntar tillögur skal skila skriflega til tækni- og umhverfissviðs Garðabæjar, Garðatorgi 7, eða með tölvupósti á skipulag@gardabaer.is fyrir lok þess dags sem gefinn er upp hverju sinni.
Bæjarstjórn Garðabæjar auglýsir hér með tillögu að breytingu deiliskipulags Hnoðraholts norður, vestan Vetrarbrautar – Þorraholt í samræmi við 1. mgr. 43. gr. skipulagslaga nr. 123/2010, sbr. 1. mgr. 41. gr.
Tillagan gerir ráð fyrir breytingu deiliskipulags Hnoðraholts - norður sem nær til íbúðarbyggðar við Þorraholt.
Helstu breytingar:
- Tillagan gerir ráð fyrir því að hámarksfjöldi íbúða hækki úr 220 í 236.
- Byggingarreitir neðanjarðar breytast á lóðum Þorraholt 5, 7, 9, 11, 13, 15 og 19
- Byggingarreitir ofanjarðar breytast á lóðum Þorraholt 7, 13, 19
- Hæðir húsa á lóðum Þorraholt 7, 13 og 19 breytast
- Hámarkshæð húsa á lóðum Þorraholt 7 og 13 geta orðið 5 hæðir sbr. tillögu að aðalskipulagsbreytingu sem auglýst er samhliða.
- Byggingarmagn eykst á lóðum Þorraholt 1, 7, 13 og 19 (sbr. Skilmálatafla eftir breytingar)
- Fallið er frá kröfu um bílastæði í bílageymslu fyrir 2
herbergja íbúðir og minni.
Tillagan er aðgengilegar á vef Garðabæjar, www.gardabaer.is og í þjónustuveri. Þeir sem telja sig eiga hagsmuna að gæta er gefinn kostur á að senda inn skriflegar athugasemdir til og með 11. september 2023, annað hvort á netfangið skipulag@gardabaer.is eða á bæjarskrifstofu Garðabæjar, Garðatorgi 7, 210 Garðabæ.
