Hér má nálgast þau skipulagsmál sem eru í kynningu hjá Garðabæ. Hagsmunaaðilar eru hvattir til að kynna sér málin.
Athugasemdum eða ábendingum við kynntar tillögur skal skila skriflega til tækni- og umhverfissviðs Garðabæjar, Garðatorgi 7, eða með tölvupósti á skipulag@gardabaer.is fyrir lok þess dags sem gefinn er upp hverju sinni.
Bæjarstjórn Garðabæjar auglýsir hér með tillögu að breytingu deiliskipulags Hnoðraholts norður austan Vetrarbrautar (Vorbraut) í samræmi við 1. mgr. 43. gr. skipulagslaga nr. 123/2010, sbr. 1. mgr. 41. gr.
Tillagan gerir ráð fyrir að fjölbýlishús sunnan Vorbrautar verði 4 hæðir með efstu hæð inndregna sbr. tillögu að aðalskipulagsbreytingu sem auglýst er samhliða.
Einnig er gert ráð fyrir að bílageymslur séu heimilaðar undir fjölbýlishúsum.
Hámarksfjöldi íbúða í fjölbýlishúsunum sunnan Vorbrautar (sléttar tölur) hækkar úr 9 í 12 í hverju húsi.
Tillagan er aðgengileg á vef Garðabæjar, www.gardabaer.is og í þjónustuveri. Þeir sem telja sig eiga hagsmuna að gæta er gefinn kostur á að senda inn skriflegar athugasemdir til og með 11. september 2023, annað hvort á netfangið skipulag@gardabaer.is eða á bæjarskrifstofu Garðabæjar, Garðatorgi 7, 210 Garðabæ.
