Kvennahlaupið í Garðabæ
Kvennahlaupið heldur upp á 30 ára afmæli í ár. Hlaupið verður frá Garðatorgi laugardaginn 15. júní kl. 11.
Fjölmennasta hlaupið í Garðabæ - í ár verður hlaupið laugardaginn 15. júní kl. 11
Í Garðabæ verður hlaupið frá Garðatorgi laugardaginn 15. júní kl. 11. Að venju verður upphitun á undan fyrir hlaupið. Þrjár vegalengdir eru í boði: 2, 5 og 10 km.
Sjá frétt um lokanir og hlaupaleiðir hér á vef Garðabæjar.
Sjá einnig upplýsingar um hlaupið og hlaupastaði inni á vef Sjóvá Kvennahlaups ÍSÍ
Kvennahlaupið á facebook
30 ára afmæli Kvennahlaupsins
Fyrsta Kvennahlaupið var haldið árið 1990. Upphaflega var markmið hlaupsins að fá fleiri konur út að hreyfa sig og að hvetja konur til þátttöku í starfi íþróttahreyfingarinnar á Íslandi. Þau markmið hafa um margt náðst þar sem konur hreyfa sig mun meira í dag en fyrir 30 árum, íslenskar íþróttakonur eru að ná frábærum árangri á heimsvísu og margar konur í forsvari fyrir íþróttahreyfinguna hérlendis. Sjóvá Kvennahlaup ÍSÍ er haldið á yfir 80 stöðum á landinu og víða erlendis.
Í dag er áherslan ekki hvað síst á samstöðu kvenna, að hver njóti þess að hreyfa sig á sínum forsendum og eigi ánægjulega samverustund með fjölskyldu og vinum. Hlaupið er árviss viðburður hjá mörgum konum sem taka daginn frá til að hlaupa með dætrum, mæðrum, ömmum, systrum, frænkum og vinkonum sínum og margir karlmenn slást líka í hópinn.
Ekki þarf að skrá sig sérstaklega í hlaupið. Hægt er að kaupa boli á hlaupastöðunum og kosta þeir 2000 kr. fyrir 13 ára og eldri og 1000 kr. fyrir 12 ára og yngri.
Einnig er hægt að ganga frá kaupum á bol fyrir hlaup inni á TIX.is