18.09.2023 kl. 08:00 kom Öldungaráð saman til fundar í Jónshúsi.
|
|
Fundinn sátu: Harpa Rós Gísladóttir aðalmaður. Sveinbjörg Vilhjálmsdóttir aðalmaður. Laufey Jóhannsdóttir aðalmaður. Stefanía Magnúsdóttir aðalmaður. Ólafur J Proppé aðalmaður. Margrét Björnsdóttir aðalmaður. Þóra Gunnarsdóttir forstöðumaður stuðnings- og öldrunarþjónustu. Elín Þuríður Þorsteinsdóttir deildarstjóri. |
|
Fundargerð ritaði: Þóra Gunnarsdóttir Forstöðumaður stuðnings- og öldrunarþjónustu.
|
|
Gengið var til dagskrár og fyrir tekið: |
|
| 1. 2111356 - Lagfæringar/breytingar á Jónshúsi |
| Undanfarna mánuði hefur verið unnið að endurbótum í Jónshúsi félagsmiðstöð eldri borgara í Garðabæ og hefur húsið nú verið opnað á nýjan leik og starfsemin komin vel af stað. Öldungaráð telur breytingarnar vel heppnaðar og mæta þörf fyrir aukna aðsókn að starfinu. |
|
|
| 2. 2309191 - Kynning á haustdagskrá fyrir eldri borgara |
| Kynning á haustdagskrá fyrir eldri borgara, Elín Þuríður Þorsteinsdóttir, umsjónarmaður Jónshúss fer yfir dagskrá sem boðið verður upp á í Jónshúsi og Laufey Jóhannsdóttir formaður FEBG fer yfir dagskrá hjá FEBG í haust/vetur. Öldungaráð lýsir ánægju yfir því metnaðarfulla félagsstarfi og heilsueflingu sem boðið verður upp á í haust/vetur. |
|
|
| 3. 2301003 - Gott að eldast - aðgerðaáætlun |
Félags- og vinnumarkaðsráðherra lagði fram tillögu til þingsályktunar um aðgerðaráætlun um þjónustu við eldra fólk fyrir árin 2024-2028 sem samþykkt var á Alþingi þann 10. maí sl. Tillögurnar byggja á stjórnarsáttmála ríkisstjórnarinnar og viljayfirlýsingu hlutaðeigandi aðila um aukið samstarf í þjónustu við eldra fólk.
Framkvæmdin er á þann veg að skilgreind verða þróunarverkefni til fjögurra ára á grunni aðgerðaáætlunarinnar Gott að eldast. Meginþungi aðgerða í áætluninni felst í þróunarverkefnum þar sem samþætting félags- og heilbrigðisþjónustu í heimahúsum, nýsköpun og prófanir munu nýtast sem grundvöllur að ákvörðunum um framtíðarskipulag þjónustu við eldra fólk.
Vilji var fyrir því að skoða hvort sveitarfélögin Hafnarfjörður, Garðabær og Kópavogur myndu eiga í samstarfi varðandi sameiginlega umsókn í þróunarverkefnið "Samþætt heimaþjónusta" ásamt aðilum úr heilbrigðisþjónustunni og hafa að undanförnu farið fram umræður á milli þessara þriggja sveitarfélaga og hlutaðeigandi aðila. Nú liggur fyrir að Garðabær á aðild að tveimur umsóknum í verkefnið Samþætt heimaþjónusta, með sveitarfélögum, Heilsugæslu höfuðborgarsvæðisins og Sóltúni öldrunarþjónustu ehf.
|
|
|
|
|
Fleira ekki gert. Fundi slitið kl. 09:30. |
