Vífilsstaðaland
Aðalskipulagsbreyting og deiliskipulagstillögur
29.1.2021
Aðalskipulagsbreyting og deiliskipulagstillögur
Samþykkt: Á fundi bæjarstjórnar Garðabæjar þann 19.11.2020 samþykkti bæjarstjórn samkvæmt 32. gr. og 41. gr. skipulagslaga nr. 123/2010 eftirfarandi skipulagsáætlanir (greinargerðir og uppdrættir) ásamt umhverfisskýrslum, svörum við athugasemdum og öðrum fylgiskjölum.
- Breyting á Aðalskipulagi Garðabæjar 2016-2030. Rammahluti Vífilsstaðalands.
- Hnoðraholt norður deiliskipulag.
- Vetrarmýri miðsvæði deiliskipulag.
- Rjúpnadalur deiliskipulag
Breytt og lagfærð gögn voru lögð fram í bæjarstjórn Garðabæjar; breyting á Aðalskipulagi Garðabæjar 2016-2030, Rammahluti Vífilsstaðalands, þann 18.02.2021 og deiliskipulagsáætlanir Hnoðraholts norður og Vetrarmýri miðsvæði þann 18.03.2021 eftir að erindi bárust frá Skipulagsstofnun.
Athugasemdir bárust og hefur þeim verið svarað með umsögn sveitarstjórnar.
Gildistaka: Tillögurnar hafa öðlast gildi. Auglýsing fyrir aðalskipulagsbreytinguna var birt í B-deild Stjórnartíðinda þann 31. mars 2021 nr. 362/2021. Auglýsingar fyrir deiliskipulagstillögurnar þrjár voru birtar í B-deild Stjórnartíðinda þann 14.04.2021. nr. 407/2021, Í samræmi við 2. mgr. 32. gr. og 3. mgr. 41. gr. skipulagslaga nr. 123/2010 er niðurstaða bæjarstjórnar hér með auglýst. Með gildistöku deiliskipulagsáætlana Hnoðrahols norður og Vetrarmýrar miðsvæðis í B-deild Stjórnartíðinda fellur úr gildi deiliskipulag Hnoðraholts og Vetrarmýrar (m.s.br.).
Tekin hefur verið afstaða
til innsendra athugasemda og umsagna og var komið til móts við þær að hluta með
því að gera breytingar frá auglýstum tillögum. Breytingarnar teljast ekki
breyta auglýstum tillögum í grundvallaratriðum og verða þær því ekki auglýstar
að nýju, sbr. 1. mgr. 32. gr. og 4. mgr.
41.gr. skipulagslaga nr. 123/2010.
Umsögn sveitarstjórnar við innsendum umsögnum og athugasemdum (samþykkt 19.11.2020).
Eftir athugasemdir Skipulagsstofnunar við tillögurnar voru gerðar lagfæringar og um leið voru viðbrögð Garðabæjar við umsagnir og athugasemdir uppfærð.
Ábyrgðarmenn
undirskriftalista eru beðnir um að koma upplýsingum áfram og vísa á vef
Garðabæjar þar sem finna má nánari upplýsingar.
Ef óskað er frekari
upplýsinga er hægt að hafa samband við skipulagsstjóra eða með því að senda
tölvupóst á netfangið skipulag@gardabaer.is
Vakin er athygli á
málskotsrétti samkvæmt 52. gr. skipulagslaga nr. 123/2010 og lögum um
úrskurðarnefnd umhverfis- og auðlindamála nr. 130/2011 en þar kemur fram að
stjórnvaldsákvarðanir má kæra til úrskurðarnefndar umhverfis- og auðlindamála. Ákvarðanir
sem Skipulagsstofnun og ráðherra ber að staðfesta samkvæmt Skipulagslögum sæta
þó ekki kæru til nefndarinnar. Það á við um aðalskipulagsbreytingar.
Þeir einir geta kært
stjórnvaldsákvarðanir sem eiga lögvarða hagsmuni tengda þeirri ákvörðun sem
kæra á. Kærufrestur er einn mánuður frá birtingu skipulagsáætlana
í B-deild Stjórnartíðinda.
Auglýsing verður birt í
fjölmiðlum í framhaldi af birtingu auglýsingar um gildistöku
skipulagsáætlananna í B-deild Stjórnartíðinda. Í samræmi við 2. mgr. 31. gr. og 3. mgr. 41. gr. skipulagslaga nr. 123/2010 er niðurstaða bæjarstjórnar hér með auglýst.