Skipulag í kynningu
Hér má nálgast þau skipulagsmál sem eru í kynningu hjá Garðabæ. Hagsmunaaðilar eru hvattir til að kynna sér málin.
Eskiás
Tillaga að breytingu deiliskipulags Ása og Grunda
Garðabær auglýsir hér með tillögu að breytingu á deiliskipulagi Ása og Grunda í samræmi við 1. mgr. 31. gr. skipulagslaga nr. 123/2010, sbr. 1. mgr. 41. gr. sömu laga.
Tillagan gerir ráð fyrir að hæðir húsa við Eskiás 2, 4 og 6 lækki um eina hæð og heimilað verði að fjölga íbúðum í öðrum húsum sem nemur fækkun íbúða vegna lækkunar um hæð. Hámarkshæðir annarra húsa verða óbreyttar. Byggingarreitir lóðanna Eskiás 8 og 10 breytast þannig að þar verða lokaðir inngarðar. Heildarfjöldi íbúða verður óbreyttur eða 276 íbúðir.
Tillagan er aðgengileg á vef Garðabæjar, www.gardabaer.is, og í þjónustuveri. Þeir sem telja sig eiga hagsmuna að gæta er gefinn kostur á að senda inn skriflegar athugasemdir til og með 21. apríl 2021 annað hvort á netfangið skipulag@gardaber.is eða á bæjarskrifstofu Garðabæjar, Garðatorgi 7, 210 Garðabæ.
Arinbjörn Vilhjálmsson
Skipulagsstjóri Garðabæjar