Hér má nálgast þau skipulagsmál sem eru í kynningu hjá Garðabæ. Hagsmunaaðilar eru hvattir til að kynna sér málin.

Athugasemdum eða ábendingum við kynntar tillögur skal skila skriflega til tækni- og umhverfissviðs Garðabæjar, Garðatorgi 7, eða með tölvupósti á skipulag@gardabaer.is fyrir lok þess dags sem gefinn er upp hverju sinni.

Hnoðraholt norður - Þorraholt 2-4 - Deiliskipulagsbreyting

2.5.2024

Bæjarstjórn Garðabæjar auglýsir hér með tillögu að breytingu deiliskipulags Hnoðraholts norður – Þorraholt 2-4 í samræmi við 1. mgr. 31. gr. skipulagslaga nr. 123/2010, sbr. 1. mgr. 41. gr. og 1. gr. 43. sömu laga.

Tillagan gerir ráð fyrir breytingu deiliskipulags Hnoðraholts-norður sem nær til verslunar og þjónustulóðanna Þorraholt 2 og Þorraholt 4 auk dælu- og spennustöðvarlóða.

 

Tillagan gerir ráð fyrir eftirfarandi breytingum:

• Gert er ráð fyrir að lóðirnar Þorraholt 2-4, 2a og 2b (spennustöð og dælustöð) verði sameinaðar þannig að lóðin verði 11.406 m2.
• 3.000 m² bætt við bílageymslu í kjallara.
• Nýtingarhlutfall breytist úr 2,2 í 2,4.
• Hús nr. 2 er hækkað um 2,5m, verður í sömu hæð og upphaflegt deiliskipulag gerði ráð fyrir sem samþykkt var í desember 2021.
• Breidd byggingarreits húss nr. 2 minnkar úr 25m í 22m.
• Grasþaki breytt í bílastæðaþak á húsi nr. 2.
• Austurhluti 1. hæðar í húsi nr. 2 verður atvinnurými í stað bílageymslu á 2 hæðum og byggingarreitur stækkar lítillega.
• Gert er ráð fyrir akstursrömpum innan lóðamarka.
• Gert ráð fyrir 4 kjöllurum í stað 2 - 3.
• Kjallari 2 verður atvinnurými.
• Staðsetning spennistöðvar eru inni á lóð Þorraholti 2-4.
• Lóð dælustöðvar verður felld út.
• Svalir og skyggni mega fara út fyrir byggingareit um allt að 2,0 metra.

 

• Þorraholt 2-4 - Deiliskipulagsbreyting
• Þorraholt 2-4 - Kynningargögn
  
  

Þeir sem telja sig eiga hagsmuna að gæta er gefinn kostur á að senda inn rafrænar athugasemdir til og með 13. júní 2024 í gegnum vef skipulagsgáttar, www. skipulagsgatt.is (Mál: 513/2024).