Skipulagsmál

Skipulag er vettvangur stefnumótunar sveitarfélagsins um mikilvæg viðfangsefni sem snerta þróun þess. Stefnan skal unnin í samráði við íbúa. Skipulagsvinna sveitarfélagsins er byggð á markmiðum skipulagslaga og stefnu landsskipulags og svæðisskipulags eftir því sem við á.

Embætti skipulagsstjóra starfar á grundvelli skipulagslaga, skipulagsreglugerðar og samþykkt bæjarstjórnar um embættisafgreiðslur svo og öðrum lögum, reglugerðum og samþykktum er varða skipulagsmál í sveitarfélaginu. Á skipulagsdeild er bæjarbúum, bæjarfulltrúum, ráðgjöfum, hönnuðum og verktökum veittar upplýsingar og ráðgjöf um skipulagsmál.  

• Fundargerðir skipulagsnefndar 
  
• Skipulagslög nr. 123/2010
  
• Skipulagsreglugerð nr. 90/2013
  

Afgreiðslufundir skipulagsstjóra eru alla jafna á tveggja vikna fresti, 1. og 3. fimmtudag í mánuði. Svo að mál verði tekið fyrir á afgreiðslufundi þurfa viðunandi gögn að hafa borist í síðasta lagi í lok dags á fimmtudegi vikuna fyrir afgreiðslufund.

Fundir skipulagsnefndar eru alla jafna á tveggja vikna fresti, 2. og 4. fimmtudag í mánuði. Svo að mál verði tekið fyrir á fundi skipulagsnefndar þurfa viðunandi gögn að hafa borist í síðasta lagi í lok dags á fimmtudegi vikuna fyrir skipulagsnefndarfund.

• Fyrirspurn til umhverfissviðs
• Umsókn um deiliskipulagsbreytingu
  
  

Hvernig á að senda inn fyrirspurn eða umsókn:

1. Byrjaðu á því að skrá þig inn á þjónustugátt Garðabæjar með rafrænum skilríkjum

2. Smelltu á „Umsóknir“

3. Smelltu á „Umhverfissvið“

4. Smelltu á þá fyrirspurn eða umsókn sem við á

5. Fylltu út skjalið og hengdu við viðeigandi fylgiskjöl

6. Smelltu á „senda umsókn“