Safnanótt - opið hús í Króki kl. 18-23
Opið hús í burstabænum Króki á Garðaholti á Safnanótt, föstudaginn 8. febrúar, frá kl. 18-23.
Hin árlega Vetrarhátíð fer fram dagana 7.-10. febrúar nk. með þátttöku allra sveitarfélaga á höfuðborgarsvæðinu.
Á Safnanótt, föstudaginn 8. febrúar, verður opið hús og fjölbreytt dagskrá frá kl. 18-23 í Hönnunarsafni Íslands, burstabænum Króki og Bókasafni Garðabæjar við Garðatorg. Auk þess verður opið hús á Bessastöðum frá kl. 19-22.
BURSTABÆRINN KRÓKUR , OPIÐ HÚS KL. 18:00-23:00
Krókur á Garðaholti er lítill bárujárnsklæddur burstabær sem var endurbyggður úr torfbæ árið 1923. Ratleikir fyrir börn, leiðsögn um húsið.
Ókeypis aðgangur, allir velkomnir.
Krókur er staðsettur á gatnamótum Garðavegar og Garðaholtsvegar, bílastæði við samkomuhúsið á Garðaholti.
Viðburður á fésbókarsíðu Króks.