Hér má nálgast þau skipulagsmál sem eru í kynningu hjá Garðabæ. Hagsmunaaðilar eru hvattir til að kynna sér málin.

Arnarland (Arnarnesháls) Forkynning

23.8.2023

Bæjarstjórn Garðabæjar hefur samþykkt að vísa tillögu að breytingu Aðalskipulags Garðabæjar 2016-2030 og tillögu að deiliskipulagi til forkynningar í samræmi við 2.mgr. 30.gr. og 3. mgr. 40. gr. skipulagslaga nr. 123/2010.

Svæðið sem tillögurnar ná til afmarkast af Hafnarfjarðarvegi, Arnarnesvegi, Fífuhvammsvegi og bæjarmörkum við Kópavog.

Tillagan gerir ráð fyrir því að reit fyrir verslun og þjónustu, 3.37 Vþ, í gildandi Aðalskipulagi Garðabæjar verði breytt í miðsvæði (M). Á svæðinu er gert ráð fyrir þéttri blandaðri byggð, með áherslu á heilsutengda starfsemi og uppbyggingu íbúðabyggðar m.a. í samræmi við markmið um uppbyggingu á samgöngu og þróunarás. Hámarkshæð verður almennt 3-6 hæðir en kennileitisbygging næst Hafnarfjarðarvegi geti orðið allt að 9 hæðir. Aðkoma verður frá Fífuhvammsvegi og um göng undir Arnarnesveg frá Akrabraut. Gert er ráð fyrir því að Borgarlína sem fylgir Hafnarfjarðarvegi liggi um svæðið.

Kynningarfundur var haldinn í Sveinatungu, Garðatorgi 7, fimmtudaginn 31. ágúst 2023, kl. 17:00-18:30.
Á fundinum voru tillögurnar sem eru á vinnslustigi kynntar og spurningum svarað. Einnig var aukakynningarfundur haldinn miðvikudaginn 20. september sl. kl. 16:30-18 í Sveinatungu á Garðatorgi 7.

• Aðalskipulagsbreyting - forkynning 
• Deiliskipulag - Uppdráttur - forkynning 
• Deiliskipulag - Greinargerð - forkynning
• Umhverfisskýrsla
• Fundargerð frá íbúafundum - forkynning
  
  

Tillögurnar eru einnig aðgengilegar á vef skipulagsgáttar:

Skipulagsgátt - Arnarland - Breyting á aðalskipulagi

Skipulagsgátt - Arnarland - Deiliskipulag

Frestur til að skila inn ábendingum vegna forkynningar á skipulagstillögum Arnarlands er framlengdur til mánudagsins 2. október 2023.
Þeir sem telja sig eiga hagsmuna að gæta er gefinn kostur á að senda inn rafrænar athugasemdir til og með 2. október 2023 í gegnum vef skipulagsgáttar, á netfangið skipulag@gardabaer.is eða á bæjarskrifstofur Garðabæjar, Garðatorgi 7, 210 Garðabæ.