Skipulags- og matslýsing
27.9.2022
Skipulags- og matslýsing -Samgöngu- og þróunarás Garðabæ (Þróunarsvæði A og Hafnarfjarðarvegur) -Rammahluti aðalskipulags og deiliskipulagsáætlanir
Bæjarstjórn Garðabæjar hefur samþykkt skipulags- og matslýsingu
fyrir gerð rammahluta aðalskipulags Garðabæjar og deiliskipulagsáætlanir fyrir
þróunarsvæði A, skv. aðalskipulagi Garðabæjar, ásamt Hafnarfjarðarvegi milli
bæjarmarka, skv. 30. gr. og 40. gr. skipulagslaga nr. 123/2010.
Innan skipulagssvæðisins er Hafnarfjarðarvegur ásamt tengingum
við Arnarnesveg, Vífilsstaðaveg og Álftanesveg. Beggja vegna Hafnarfjarðarvegar
eru íbúðarhverfi og vestan Hafnarfjarðarvegar er Lyngássvæðið, þar sem iðnaður
og þjónusta hefur á undanförnum árum vikið að hluta til fyrir nýrri íbúðabyggð.
Austan Hafnarfjarðarvegar er m.a. miðsvæði Garðabæjar og íþrótta- og skólasvæði.
Stutt er í útivistarsvæði við Arnarnesvog og bæjargarð við Hraunsholtslæk.
Viðfangsefni skipulagsvinnunnar er m.a. að skilgreina nánar legu
Borgarlínu og staðsetningu Borgarlínustöðva eftir Hafnarfjarðarvegi,
fyrirkomulag þess hluta Hafnarfjarðarvegar sem fer í stokk, og uppbyggingu og
þéttleika í nýjum bæjarkjarna og nálægum uppbyggingarsvæðum.
Fjallað verður um áhrif deiliskipulagsins á umhverfið í samræmi
við lög um umhverfismat framkvæmda og áætlana nr. 111/2021.
Lýsingin er aðgengileg á vef Garðabæjar, www.gardabaer.is og í þjónustuveri
Garðabæjar, Garðatorgi 7, 210 Garðabæ. Hægt
er að skila inn ábendingum vegna lýsingarinnar á netfangið skipulag@gardabaer.is eða í þjónustuver til og með 25. október
2022.