Urriðaholt. Skipulags- og matslýsing
4.9.2020
Breyting á
Aðalskipulagi Garðabæjar 2016-2030 og nýtt deiliskipulag Norðurhluta 4
Þann 3. september 2020 samþykkti
bæjarstjórn Garðabæjar skipulags- og matslýsingu vegna fyrirhugaðrar breytingar
á Aðalskipulagi Garðabæjar í Urriðaholti og endurauglýsingar á deiliskipulagi
Norðurhluta 4 í Urriðaholti.
Með vísan til 1. mgr. 30. gr. og 1. mgr.
40. gr. skipulagslaga og 8. gr. laga um mat á umhverfisáhrifum er skipulags- og
matslýsingin lögð fram til kynningar á heimasíðu Garðabæjar, www.gardabaer.is og í þjónustuveri
Garðabæjar, Garðatorgi 7. Skipulags- og matslýsing fyrir deiliskipulagið er nú
endurauglýst en hún var áður kynnt í janúar 2019. Við lokaafgreiðslu Skipulagsstofnunar á
deiliskipulaginu, sem farið hefur í gegn um kynningarferli skv. lögum, var bent
á að ekki væri ljóst hvernig áform um íbúðarbyggð við Lautargötu samræmdist
aðalskipulagi Garðabæjar.
Markmið aðalskipulagsbreytingarinnar er að setja fram
á skýran hátt að íbúðarbyggð er heimil á því svæði sem þarna er vísað til. Markmið
deiliskipulagstillögunnar gerir ráð fyrir að á austurhluta skipulagssvæðisins
verði íbúðarhverfi og útivistarsvæði með trjálundi næst Flóttamannavegi en á
vesturhlutanum atvinnusvæði.
Frestur til að skila inn ábendingum rennur út 9. september. Skila skal ábendingum
á bæjarskrifstofu Garðabæjar eða á netfangið skipulag@gardabaer.is.
Þeir
sem telja sig eiga hagsmuna að gæta er gefinn kostur á að senda inn skriflegar
ábendingar fyrir 9. september 2020 annað hvort á netfangið
skipulag@gardabaer.is eða á á
bæjarskrifstofu Garðabæjar, Garðatorgi 7, 210 Garðabæ.