Hér má nálgast upplýsingar um samþykktir bæjarstjórnar og gildistöku þeirra deiliskipulagsáætlana sem gerðar voru athugasemdir við í auglýsingaferli. Upplýsingarnar varða deiliskipulagsáætlanir sem voru samþykktar frá október 2019.

Upplýsingar um samþykktir og gildistöku annarra deiliskipulagsáætlana eru aðgengilegar á kortavef Garðabæjar og skipulagsvefsjá Skipulagsstofnunar.

Ákvarðanir bæjarstjórnar um deiliskipulagsáætlanir eru stjórnvaldsákvarðanir sem eru kæranlegar til úrskurðarnefndar umhverfis- og auðlindamála. Kærufrestur er einn mánuður frá birtingu auglýsingar um gildistöku deiliskipulagsáætlunar í B-deild Stjórnartíðinda.

Arnarland deiliskipulag, Arnarland - Miðsvæði - breyting á aðalskipulagi og Arnarnesland - Akrar deiliskipulagsbreyting

14.3.2025

Þann 6. mars sl. samþykkti bæjarstjórn Garðabæjar, í samræmi við skipulagslög 123/2010, tillögur að skipulagsáætlunum sem tengjast fyrirhugaðri uppbyggingu á svæði því sem kallast hefur Arnarnesháls en nú Arnarland. Um er að ræða tillögu að breytingu Aðalskipulags Garðabæjar 2016-2030, tillögu að deiliskipulagi Arnarlands og tillögu að breytingu deiliskipulags Akra.

Við samþykkt skipulagsáætlananna var staðfest samþykkt skipulagsnefndar Garðabæjar frá fundi hennar mánudaginn 24. febrúar.

 

• Svör við innsendum athugasemdum

 

Arnarland deiliskipulag: 

• Arnarland deiliskipulagsuppdráttur
• Arnarland greinargerð 
• Arnarland skýringaruppdráttur
• Arnarland Samgöngumat
• Arnarland vatnafar - BREEAM
• Arnarland umhverfismatsskýrsla

 

Arnarland - Miðsvæði - Aðalskipulagsbreyting:

• Arnarland aðalskipulagsbreyting
  
  

 

Arnarnesland - Undirgögn - Akrar - Deiliskipulagsbreyting:

• Akrar deiliskipulagsbreyting
  
  
  

Gildistaka : Tillögurnar taka gildi þegar að auglýsing birtist í B-deild Stjórnartíðinda. 

Vakin er athygli á málskotsrétti samkvæmt 52. gr. skipulagslaga nr. 123/2010 og lögum um úrskurðarnefnd umhverfis- og auðlindamála nr. 130/2011 en þar kemur fram að stjórnvaldsákvarðanir má kæra til úrskurðarnefndar umhverfis- og auðlindamála. Þeir einir geta kært stjórnvaldsákvarðanir sem eiga lögvarða hagsmuni tengda þeirri ákvörðun sem kæra á. Kærufrestur er einn mánuður frá birtingu skipulagsáætlana í B-deild Stjórnartíðinda.

Í samræmi við 2. mgr. 31. gr. og 3. mgr. 41. gr. skipulagslaga nr. 123/2010 er niðurstaða bæjarstjórnar hér með auglýst.