Norðurnes á Álftanesi
10.6.2020
Aðalskipulagsbreyting og deiliskipulag - Forkynning
NORÐURNES Á ÁLFTANESI. BREYTING Á AÐALSKIPULAGI
GARÐABÆJAR 2016-2030 OG NÝTT DEILISKIPULAG. FORKYNNING
Í samræmi við 2. mgr. 30.
gr. og 3. mgr. 40. gr. skipulagslaga nr. 123/2010 auglýsir Garðabær hér með
forkynningu á tillögu að breytingu á aðalskipulagi Garðabæjar og tillögu að
nýju deiliskipulagi fyrir Norðurnes á Álftanesi sem er innan þess svæðis sem
aðalskipulagsbreytingin nær til.
Aðalskipulag Garðabæjar 2016-2030, tillaga að
breytingu
Breytingartillagan nær
til Norðurness á Álftanesi. Meginatriði breytinganna felast í stækkun á
golfvallarsvæði. Hafnarsvæði og hesthúsasvæði á Seylunni er breytt í opið svæði
og afmörkun íbúðasvæða er breytt lítillega. Stígakerfi breytist í samræmi við
breytingu á landnotkun. Hverfisverndað svæði norðan Bessastaðatjarnar færist
nær tjarnarbakka en á móti eru hverfisvernduð svæði við Kasthúsatjörn og á
Breiðabólstaðaeyri stækkuð.
Norðurnes á Álftanesi, tillaga að nýju
deiliskipulagi
Deiliskipulagið tekur á
framtíðaruppbyggingu á svæðinu, þar er m.a. gert ráð fyrir nýrri íbúðarbyggð, útivistarsvæðum
og golfvelli. Gert er ráð fyrir lágreistri sérbýlishúsabyggð í tveimur meginkjörnum
en nýjar lóðir fyrir einbýlishús, parhús og raðhús verða alls 69. Níu holu
golfvöllur verður norðan og vestan Bessastaðatjarnar. Á Breiðabólstaðaeyri við
víkina Seylu er gert ráð fyrir viðlegukanti og möguleika á naustum við uppsátur.
Húsakönnun og fornleifaskráning er kynnt samhliða.
Kynningarfundi verður streymt á Facebook síðu Garðabæjar þriðjudaginn 25. ágúst kl.17:00. Þar verða tillögur kynntar og fyrirspurnum
svarað. Hægt verður að senda rafrænar fyrirspurnir (komment) í gegnum Facebook á meðan á fundinum stendur eða með því að senda tölvupóst á netfangið skipulag@gardabaer.is og verður þeim svarað að lokinni kynningu.
Bent er á að í framhaldi af kynningarfundi geta aðilar leitað til skipulagsstjóra varðandi nánari upplýsingar og eftir atvikum óskað eftir fundi.
Tillögurnar liggja frammi
á bæjarskrifstofu Garðabæjar, Garðatorgi 7, frá 11. júní til og með 31. ágúst
2020. Einnig eru þær aðgengilegar á vef Garðabæjar. Þeir sem telja sig eiga
hagsmuna að gæta er gefinn kostur á að senda inn ábendingar við tillögurnar.
Frestur
til að skila inn ábendingum rennur út 31. ágúst 2020. Skila skal ábendingum á bæjarskrifstofu Garðabæjar
eða á netfangið skipulag@gardabaer.is